Në Qendrën e Kulturës dhe Artit të Grave dhe Familjes së Komunës Bağcılar, në Istanbul u mbajt prezantimi i filmit “Shpata e Islamit” (Pendekar Awang), i cili sjell Epopenë e Luftëtarit Malaya në ekranin e madh, raporton Anadolu, transmeton KosovaPost.
I frymëzuar nga një histori e vërtetë, filmi ka të bëjë me rezistencën kundër pushtimit britanik në tokat Malaya në shekullin e 19-të.
Koordinatori i “Studios Kembara” në Türkiye, Muzaffer Seyyahoğlu në deklaratën e tij për gazetarin e AA-së tha se Mat Kilau, filmi i parë i xhiruar nga studio “Kembara” në vitin 2022 është një nga filmat më të ndjekur në Malajzi deri më tani. “Për shkak se ata vendosën në skenë jetën e heroit më të madh, më të famshëm të Malajzisë. Njerëzit që nuk kanë qenë kurrë në kinema kanë shkuar në kinema dy ose tre herë”, shtoi ai.
Ai u shpreh se filmi është xhiruar si vazhdimësi e këtij produksioni, i cili nxjerr në pah ndjenjat e artit, realitetit, patriotizmit dhe heroizmit. “Lidhjet me Türkiyen nisën në vitin 2022. Ne jemi në ndjekje të projekteve të përbashkëta që mbulojnë Türkiyen, Malajzinë dhe Indonezinë. Ne po kryejmë punime mbi këtë”, tha Seyyahoğlu.
Pasi vuri në dukje se filmi fillon me një dijetar Malaya (malajzian) që jetonte në Mekë gjatë periudhës osmane, i cili i shkruan një letër popullit malajzian dhe i mobilizon ata për t’u revoltuar kundër kolonisë britanike, Seyyahoğlu tha:
“Sigurisht që gjatë kësaj britanikët ndërprenë ndihmën për zona të caktuara. Britanikët tërhiqen kur Malayat organizohen dhe veprojnë së bashku. Në një farë mënyre, bën që pushtimi kolonial britanik të tërhiqet. Filmi përfundon aty, pra filmi përfundon me tërheqjen e britanikëve, por do të vijë edhe vazhdimi i kësaj”.
– “Aktualisht ka një luftë kulturore dhe ne nuk duam të shtypemi nën të”
Aktori malajzian, Ali Karimi tha se filmi i parë është xhiruar nga një prej regjisorëve të njohur të rajonit. “Kompania e produksionit nuk ka pasur përvojë të tillë. Ata kanë xhiruar vetëm dy filma, por janë njerëz të trazuar. Thonë ‘Ne duam të jetojmë si muslimanë dhe të zgjojmë të rinjtë. Ne duam që të rinjtë të kthehen në rrënjët e tyre, të mbrojnë vlerat e tyre‘. Sepse ata e fituan luftën, por aktualisht ka një luftë kulturore dhe ata nuk duan të shtypen nën të. Kina ka ndikim të madh atje. Pra, atje ka një komunitet kinez 20-25 për qind dhe ka njerëz që vijnë vazhdimisht këtu nga territori kryesor, Kina dhe ata nuk kthehen”.
Ai u shpreh se shumë malajzianë do të ishin të lumtur që filmi të vinte në Türkiye.
“Sigurisht që edhe ne jemi të emocionuar për këtë çështje dhe po përpiqemi ta realizojmë këtë. Shpresoj që numri i shikuesve të jetë në nivelin më të lartë. Sepse kjo është lufta për pavarësi dhe liri nga okupimi. Ne luajtëm rolin tonë me ndjenja të ngjashme dhe mendimet duke luajtur heronjtë tanë. Prandaj, kjo ishte lufta çlirimtare e Malajzisë, ishte një luftë për të hequr qafe pushtimin. Dhe ne u përpoqëm ta përçonim me gjithçka tonën në film”, tha Karimi.
Duke shpjeguar se ka parë serialin Diriliş Ertuğrul dhe se e ka impresionuar, aktori i ri tha se “Para se të nisja këtë projekt, unë po e shikoja në fakt Diriliş Ertuğrul dhe përpiqesha të mbaja shënim gjithçka. ‘Me çfarë ndjenjash po luftojnë? Si veprojnë ata ?’ dhe kur fillova filmin, të gjitha këto ishin gjithmonë në mendjen time. U impresionova shumë nga ato dhe u përpoqa ta pasqyroja këtë”.
Karimi theksoi se ata kanë bërë kërkime të ndryshme si “Studio Kembara”. “Ne kemi marrëdhënie të forta që datojnë që nga periudha osmane. Ne e bëmë filmin duke parë, duke u bazuar në këtë dhe ne do ta çojmë më tej këtë. Tashmë kemi plane për të bërë projekte të përbashkëta me Türkiyen. Ne po punojmë mbi këtë”, tha ai.
– Rreth filmit
Filmi i cili fillon me një mesazh sekret nga një dijetar i njohur malaya që jetonte në Mekë gjatë Perandorisë Osmane, ofron një perspektivë të re mbi traditat e pasura, vlerat dhe luftën e të popullit malaya.
Filmi, i cili hedh dritë mbi thirrjen e popullit malajzian për revoltë kundër pushtimit britanik dhe përpjekjeve të britanikëve për të parandaluar rezistencën pasi mësuan këtë informacion, synon të krijojë tek audienca ndërgjegjësimin e patriotizmit, ta duan vendin e tyre dhe të rrisë ndërgjegjësimin e tyre për rezistencën kundër pushtimeve të huaja.
