Trupi i manjatit britanik të teknologjisë Mike Lynch është gjetur pasi një jaht luksoz u mbyt në brigjet e Siçilisë, por vajza e tij 18-vjeçare rezulton ende e zhdukur.
Rojat bregdetare italiane konfirmuan se personi i gjashtë dhe i fundit që ende nuk u gjet ishte një grua.
Lynch, vajza e tij dhe dy çiftet, Jonathan dhe Judy Bloomer dhe Neda dhe Chris Morvillo, ishin të zhdukur kur ”Bayesian” u fundos të hënën në mëngjes.
Nga 22 pasagjerët dhe ekuipazhi në bord, 15, përfshirë gruan e Lynch, Angela Bacares, u shpëtuan pasi u arratisën me një varkë shpëtimi.
Trupi i shtetasit kanadez-antiguan Recaldo Thomas, i cili punonte si kuzhinier në superjaht, u gjet në vendin e mbytjes.
Udhëtimi me varkë ishte një festë e lirimit të Lynch nga një rast mashtrimi në Shtetet e Bashkuara.
Sipërmarrësi, i cili themeloi gjigantin e softuerit ”Autonomy” në 1996, u lirua në qershor nga akuzat për mashtrim masiv në lidhje me shitjen e tij prej 11 miliardë dollarësh në kompaninë amerikane ”Hewlett Packard”.atsh.
