Kompania e Deminimit e Gardës Kombëtare të Forcës së Sigurisë së Kosovës ka nisur sot operacionin humanitar për pastrimin e fushave të minuara dhe fushëbetejave, me qëllim sigurimin e zonave nga mjetet e pashpërthyera.
“Gjatë këtij viti, njësitë e deminimit do jenë të angazhuara në pastrimin e tri lokacioneve në territorin e Republikës së Kosovës: në fshatrat Muradem dhe Maja e Cvilenit të komunës së Prizrenit si dhe në Parkun e Lirisë në Ferizaj dhe gjithashtu do të ofrojnë kujdestari 24/7 për largimin e mjeteve të pashpërthyera që mund të hasen nga qytetarët”, shkruhet në njoftimin e FSK-së, në Facebook.
Këto operacione siç thuhet, janë pjesë e përpjekjeve të vazhdueshme të FSK-së për të siguruar një mjedis të sigurt për qytetarët dhe për të kontribuar në stabilitetin dhe zhvillimin e vendit./Klankosova.tv.
