Zëvendës Ndihmës Sekretari Gabriel Escobar gjatë vizitës së tij në Kosovë, takoi Drejtorin e Përgjithshëm të Policisë së Kosovës Kolonel Gazmend Hoxha dhe familjen e heroit Rreshter Afrim Bunjaku, përcjell Kosova Post.
Kjo u bë e ditur nga Policia e Kosovës përmes njoftimin zyrtar, ndërsa theksohet se emisari amerikan, Gabriel Escobar gjatë vizitës së tij në Kosovë, kërkoi që të takonte të venë dhe djemtë e rreshterit të vrarë Afrim Bunjaku.
“ZNS Escobar, në prani të Ambasadorit të SHBA-së Jeffrey Hovenier, dhe Atasheut të DOJ-ICITAP-it Kimberly Riffe, shprehu ngushëllimet e tij të sinqerta familjes për humbjen tragjike të babait/bashkëshortit të tyre. Ngjarja ishte shumë emocionuese dhe e përzemërt dhe personalitetet e larta i shprehën ngushëllimet e tyre familjes dhe Policisë së Kosovës”, thuhet në njoftim.
Nga ana tjetër bëhet e ditur se “ZNS Escobar vlerësoi mundësinë për të komunikuar drejtpërdrejt më kreun e Policisë së Kosovës. Hoxha përcolli mirënjohjen e tij të thellë për Shtetet e Bashkuara dhe stafin e shumtë të ambasadës që ndihmojnë policinë dhe janë të përkushtuar për të vazhduar bashkëpunimin e tyre të shkëlqyer”.
Njoftimi i plotë i Policisë së Kosovës:
Zëvendës Ndihmës Sekretari Gabriel Escobar gjatë vizitës së tij në Kosovë, takoi Drejtorin e Përgjithshëm të Policisë së Kosovës Kolonel Gazmend Hoxha dhe familjen e heroit Rreshter Afrim Bunjaku
Prishtinë, 18 mars 2024
Gjatë vizitës së Zëvendës Ndihmës Sekretarit (ZNS) Gabriel Escobar në Kosovë, ai kërkoi dhe ju dha kohë për tu takuar me të venë dhe djemtë e rreshterit të vrarë Afrim Bunjaku, të cilët shoqëroheshin nga Drejtori i Përgjithshëm i Policisë së Kosovës, Gazmend Hoxha. ZNS Escobar, në prani të Ambasadorit të SHBA-së Jeffrey Hovenier, dhe Atasheut të DOJ-ICITAP-it Kimberly Riffe, shprehu ngushëllimet e tij të sinqerta familjes për humbjen tragjike të babait/bashkëshortit të tyre. Ngjarja ishte shumë emocionuese dhe e përzemërt dhe personalitetet e larta i shprehën ngushëllimet e tyre familjes dhe Policisë së Kosovës.
Në një takim të veçantë, DP Hoxha informoi ZNS Escobarin dhe atasheun Riffe për sulmin ndaj policisë në Banjskë më 24 shtator 2023, ku mbeti i vrarë rreshteri Bunjaku, dhe situatën aktuale të sigurisë në pjesën veriore të Kosovës. ZNS Escobar vlerësoi mundësinë për të komunikuar drejtpërdrejt më kreun e Policisë së Kosovës. DP Hoxha përcolli mirënjohjen e tij të thellë për Shtetet e Bashkuara dhe stafin e shumtë të ambasadës që ndihmojnë policinë dhe janë të përkushtuar për të vazhduar bashkëpunimin e tyre të shkëlqyer.
