Një person është arrestuar mbrëmjen e së shtunës në Prishtinë. I dyshuari derisa ka qenë duke lëvizuar me veturë, kishte shtënë disa herë në ajër.
Policia ka bërë të ditur se i njëjti në largim e sipër e kishte hedhur armën nga vetura dhe ishte larguar nga vendi i ngjarjes në drejtim të panjohur.
Sipas njoftimit, njësitë relevante policore kanë dalë në vendin e ngjarjes ku kanë gjetur dhe konfiskuar një pistoletë dhe një gëzhojë të fishekut.
Personi në fjalë nuk ishte intervistuar për shkak se kishte qenë nën ndikim të alkoolit dhe i njëjti me vendim të prokurorit është dërguar në mbajtje.
