Prindon Sadriu, bashkëshorti i Presidentes Vjosa Osmani, ka reaguar ndaj kryenegociatorit të Serbisë në dialog, Petar Petkoviq, pasi i njëjti përdori gjuhë fyese ndaj të parës së shtetit të Kosovës.
Sadriu ka thënë se kjo është e neveritshme, derisa ka shtuar se këto taktika janë përdorur edhe Millosheviqi dhe Putini.
“Udhëheqja e Serbisë ka rënë në një nivel të ri, duke hedhur fyerje të ndyra kundër të parës së shtetit tonë. Thirrja e tij me emra kafshësh është e neveritshme dhe të kujton taktikat e përdorura nga diktatorët gjenocidalë si Millosheviq dhe Putin. Kjo retorikë shoviniste duhet dënuar dhe ekspozuar nga të gjithë”, ka shkruar Sadriu, derisa ka shpërndarë U.D., së Shefes së Stafit të Kabinetit të Presidencës, Learta Hollaj.
Petar Petkoviq kishte shkruar se “Presidentja e Kosovës Vjosa Osmani gënjen si qen!”
“Çfarë do të thotë populli ynë, Vjosa Osmani gënjen si qen! Asnjë marrëveshje për dinarin nuk është arritur”, kishte shkruar Petkoviq.
