Manchester City siguroi kualifikimin në play-off të Champions League pas një fushate të trazuar në fazën e kampionatit, duke e përmbyllur me një fitore të vështirë 3-1 ndaj Club Bruges.
Në disavantazh 1-0 në pjesën e parë dhe përballë një eliminimi të mundshëm, skuadra e Pep Guardiolës arriti të përmbyste rezultatin, duke u dhënë një lehtësim të madh tifozëve dhe trajnerit të tyre. Megjithatë, ndikimi emocional i kësaj ndeshjeje ishte i dukshëm, pasi Guardiola, i cili ka kaluar një periudhë të trazuar si brenda ashtu edhe jashtë fushës, u pa sërish me dëmtime në fytyrë, të shkaktuara nga vetja për shkak të frustrimit gjatë ndeshjes.
Pavarësisht kualifikimit, Guardiola u shpreh pa doreza për shanset e City-t në këtë kompeticion. Duke folur për Canal+, ai pranoi:
“Për momentin, nuk jemi favoritë për ta fituar. Madridi dhe Bayerni kanë më shumë eksperiencë se ne.”
Tekniku spanjoll foli me shpresë se skuadra e tij do të përmirësohet përpara fazës me eliminim direkt, por pranoi gjithashtu vështirësitë që i presin:
“Nëse do të luanim nesër, do të ishte e vështirë, por pas dy javësh, kush e di?”
Ky moment i rrallë dyshimi nga Guardiola sugjeron se Manchester City ende ka shumë për të provuar nëse dëshiron të rikthehet në majën e futbollit evropian.s.n.
