“Si të dilet nga kurthi i rritjes së pamjaftueshme ekonomike dhe si t’i bëjmë investimet më të frytshme?”
Kjo është tema e cila po diskutohet në Forumin Ekonomik Vjetor 2024 (FEV24), të organizuar nga Instituti Riinvest.
Ky raport studimor, siç raporton RTK, është përgatitur për t’i shërbyer debatit në sesionin e sivjetme të Forumit Ekonomik Vjetor 2024 të Institutit Riinvest (FEV24), një produkt i ri i Institutit që filloi me FEV23 dhe synon që edhe në vazhdim të vlerësojë zhvillimet ekonomike në ndërrim të viteve.
Sipas raportit, ka një ngecje në krahasim me planifikimet e qeverisë sa i përket normës së rritjes së Produktit Vendor Bruto (PVB).
Fondi Monetar Ndërkombëtar (FMN) dhe Banka Botërore (BB) i shohin lëvizjet ekonomike në Kosovë në një dritë pozitive se vitin e kaluar, veçanërisht në aspektin e stabilitetit makroekonomik dhe performancës buxhetore.
Në fakt, rritja ekonomike është kthyer në trendin para pandemisë COVID-19, duke osciluar rreth 4 për qind, thuhet ndër tjera në raport.
Alban Hashani, drejtor ekzekutiv i Institutit Riinvest, tha se sipas projeksioneve me ekonomi globale, pritjet për vitin vijues nuk është se dallon shumë më rritjen ekonomike nga vitet paraprake.
“Vlerësojmë së duhet të bëhet më shumë për të tejkaluar këtë kurth. Sipas projeksioneve me ekonomi globale, pritjet për vitin vijues nuk është se dallon shumë më rritjen ekonomike nga vitet paraprake. Ne jemi kthyer në ritmin e rritjes para pandemisë, por që kjo është e pamjaftueshme. Qeveria e Kosovës ndër tjera duhet të krijojë një trup ekspertësh vendorë dhe ndërkombëtarë për të hartuar një vizion afatgjatë që tejkalon modelin aktual të rritjes dhe kapërcen ‘kurthin’ e vendeve me të ardhurave mesatare”, tha Hashani.
