“Këto sulme janë të paligjshme. Sulme të tilla në objektet mjekësore përbëjnë krime lufte nëse kryhen me qëllim kriminal, domethënë me dashje ose pakujdesi”, thuhet në njoftimin e Human Rights Watch.
Organizata Human Rights Watch (HRW) njoftoi se ka dokumentuar tri sulme të Izraelit në Liban që “përbëjnë qartazi krime lufte” duke intervistuar dëshmitarë okularë dhe duke analizuar fotografi, video dhe imazhe satelitore të sulmeve.
Në deklaratën e bërë nga HRW-ja, thuhet se më 3 tetor, Izraeli sulmoi një qendër të mbrojtjes civile në lagjen Basura në qendër të Bejrutit, më 4 tetor, një ambulancë të Komitetit Islamik të Shëndetit pranë hyrjes së spitalit “Marjayun” në jug të Libanit dhe në spitalin “Dëshmori Salah Gandur” në qytezën e Bint Jubeil.
Thuhet se HRW-ja i dërgoi një letër ushtrisë izraelite më 7 tetor, duke përmbledhur gjetjet e saj dhe duke bërë pyetje, por nuk kishte marrë përgjigje.
Në deklaratë thuhet se “Qeveria izraelite akuzon Hezbollahun për përdorimin e ambulancave për të transportuar luftëtarë dhe spitaleve për të ruajtur armë dhe pajisje.
Human Rights Watch tregon se këto tri objekte janë përdorur për qëllime ushtarake gjatë sulmeve dhe do të justifikojnë heqjen e statusit të tyre të mbrojtur sipas së drejtës ndërkombëtare humanitare”.
Po ashtu, thuhet se Izraeli vrau të paktën 163 punonjës të kujdesit shëndetësor dhe mbrojtjes civile dhe dëmtoi 158 ambulanca dhe 55 spitale në Liban vitin e fundit deri më 25 tetor.
“Meqenëse nuk ka asnjë justifikim ushtarak për sulmet ndaj objekteve të kujdesit shëndetësor, këto sulme janë të paligjshme. Sulme të tilla në objektet mjekësore përbëjnë krime lufte nëse kryhen me qëllim kriminal, domethënë me dashje ose pakujdesi”, thuhet në deklaratë.
Thirrje për ndalimin e shitjes së armëve ndaj Izraelit
Në deklaratë theksohet se sulmet izraelite kanë shkatërruar sistemin tashmë të dobët të kujdesit shëndetësor në Liban.
“Ushtria izraelite duhet të ndalojë menjëherë sulmet e saj të paligjshme ndaj punonjësve të kujdesit shëndetësor dhe objekteve të kujdesit shëndetësor.
Aleatët e Izraelit nuk duhet të dërgojnë armë në Izrael, duke marrë parasysh rrezikun që armët që ata ofrojnë do të përdoren në shkelje të rënda”, theksohet në deklaratë, shkruan albaniantrt.balkan.Gjithashtu, theksohet se Kombet e Bashkuara (OKB) duhet të nisin urgjentisht një hetim ndërkombëtar për konfliktet e fundit në Liban dhe në veri të Izraelit.
