Komuna e Gjilanit ka njoftuar se për të siguruar mbrojtjen e qytetarëve nga rreziqet dhe fatkeqësitë natyrore është angazhuar maksimalisht Drejtoria për Mbrojtje dhe Shpëtim, ku janë realizuar punë të rëndësishme për mbrojtjen e jetës dhe pasurisë së qytetarëve.
Kryetari i Komunës së Gjilanit, Alban Hyseni, tha se gjatë periudhave 2021-2024 kjo drejtori, ka ofruar kontributin e saj në investime kapitale, në pajisje, në pastrimin e lumenjve, donacioneve, dokumentet strategjike, dëmet nga vërshimet dhe ka kontribuar gjithashtu në rritjen e pagave dhe numrit të anëtarëve të SHZV.
Ai tregoi se aneksi i garazheve për NJPZSH, objekti për zjarrfikësit dhe QOE – 112, Qendrës Operative Emergjente Rajonale me vlerë buxhetore 176 mijë euro, realizimi 2024-2025 në bashkëfinancim me AME me buxhet 51 mijë euro.
Po ashtu kryetari i Gjilanit tha se janë bërë investime në pajisje, sistemi i radiolidhjeve, repetitori për NJPZSH, inicimi i procedurave tenderuese 9 mijë 800 euro, pompat termike 16 mijë euro, automjete sulmuese, xhipa 50 mijë euro, automjet me shkallë hidraulike 30 metra lart, me bashkëfinancim nga ORANA Gmbh 32 mijë euro.
“Këto investime janë thelbësore për të garantuar një sistem të fortë dhe efikas të mbrojtjes dhe sigurisë për të gjithë qytetarët”, tha Hyseni, thuhet në njoftimin e komunës.
Sipas tij janë bërë pagesa shtesë për sistemin e radiolidhjeve është realizuar në vitin 2022, rreth 12 mijë e 500 apo total 22 mijë e 300 euro.
Derisa i pari i komunës, tregoi edhe për pastrimin e shtretërve të lumenjve, ku janë parandaluar dëme milionëshe nga vërshimet. Ku gjatë vitit 2022 deri më tani nga buxheti komunal me 100 mijë euro janë pastruar 14 kilometra lumenj, përmes DSHPIB. Ministria e Mjedisit, Planifikimit Hapësinor dhe Infrastrukturës, ka kontribuar në pastrimin e lumenjve për 6 kilometra gjatësi, gjithsej 20 kilometra janë pastruar. Në total, afër 300 mijë euro janë shpenzuar për pastrimin e lumenjve.
Nga viti 2021 deri në vitin 2024, Drejtoria për Siguri dhe Mbrojtje ka kontribuar rreth 36% për rritje të numrit të anëtarëve dhe rreth 66% rritje të pagave për anëtarët e SHZV-së.
I pari i Gjilanit, tregoi se gjatë periudhave 2022-2024 është implementuar dokumenti strategjik “Dokumenti për Vlerësimin e Rrezikut dhe Rekomandimet”, i nevojshëm për të identifikuar dhe vlerësuar rreziqet e mundshme në një organizatë apo institucion dhe për të dhënë rekomandime për masat mbrojtëse. Në vitin 2022 është bërë krijimi i grupit punues për hartimin e DVRR, në vitin 2023 është bërë mbledhja dhe përpunimi i të dhënave dhe në vitin 2024 ky dokument është aprovuar në Asamblenë Komunale.
“Kjo drejtori ka bashkëpunuar me autoritetet lokale dhe organizatat humanitare për të trajtuar dëmet nga vërshimet, duke i’u siguruar ushqim, ujë dhe strehim të përkohshëm banorëve të prekur nga vërshimet”, shtoi Hyseni, thuhet tutje në njoftim.
Sipas tij janë organizuar ekipe emergjente për të ndihmuar në evakuimin e banorëve të prekur. Në të njëjtën kohë janë duke punuar për të planifikuar rindërtimin e infrastrukturës së dëmtuar. Gjatë vitit 2021, dëmet nga vërshimet ka qenë 1.671,766.89€, ndërsa në vitin 2022-2023 kanë qenë 20 mijë euro.
