Një shtetas kosovar, i cili ishte shpallur në kërkim ndërkombëtar, është vënë në pranga në pikën kufitare të Morinës.
Ai do të ekstradohet drejt Zvicrës shkruan TCH.
56-vjeçari kosovar rezident në Tiranë, ishte shpallur në kërkim ndërkombëtar nga Interpol Berni, pasi autoritetet gjyqësore të Zvicrës i kanë caktuar masën e sigurisë “Arrest në burg”, për veprat penale “Mashtrimi”, “Falsifikimi i dokumenteve të udhëtimit” dhe “Pastrimi i parave”, sipas parashikimeve të legjislacionit penal të Zvicrës, transmeton lajmi.net.
Interpol Tirana, në bashkëpunim me homologët në Zvicër, vijon procedurat për ekstradimin e 56-vjeçarit.
