“Jemi të zhgënjyer, të zemëruar, na mungoi pjekuria. Ndaj Theo-s, gjyqtari ishte i ashpër, të ndëshkosh një simulim në një ndeshje të tillë… Mund ta paralajmëronte. Me një lojtar më pak, ndeshja ndryshoi. Tani është e rëndësishme të qëndrojmë të bashkuar dhe të mendojmë për kampionatin dhe objektivin e ardhshëm.”
Këto janë fjalët e Zlatan Ibrahimoviq-it pas eliminimit të Milanit nga Liga e Kampionëve.
“Me pak fat, mund ta bënim 2-0 që në pjesën e parë. Nuk mendoj se Theo është dikush që bën teatër, ai luan lojën e tij dhe jep më të mirën. Kartoni i parë i verdhë erdhi sepse tërhoqi fanellën, janë gjëra që ndodhin. Jemi të zemëruar me veten, kundërshtarët ishin më të fortë. Nuk jemi të zemëruar me gjyqtarin, është faji ynë. Nuk ka justifikime, duhet të shohim veten në pasqyrë dhe të kuptojmë çfarë kemi gabuar.
E kemi mbytur vetveten. Kartonët e kuq janë situata që ndodhin në fushë. Duhet të jemi të qetë dhe të përqendruar. Sot është një zhgënjim të dalësh nga Champions League, gjatë sezonit ndodhin gjëra që nuk i ke menduar. Bëmë disa lëvizje në janar për të përmirësuar situatën, por nuk ka garanci. Dua të shoh një Milan dominues. Krahasuar me kur kam ardhur para 4-5 vitesh, Milani është rritur. Unë dhashë kontributin tim, nëse mund të vazhdoja, do të luaja… Kjo skuadër ka më shumë mundësi për të fituar sesa ajo ku isha unë dhe fitoi. Nuk e di nëse falë meje. Kjo skuadër, për nga cilësia, është më e mirë.”s.n.
