Milani po përgatitet për ndeshjen e kthimit të “play off”-it të Ligës së Kampionëve kundër Feyenoordit, me objektivin për të përmbysur humbjen 1-0 të pësuar në Rotterdam.
Sfida u prezantua jo nga trajneri Sergio Conceiçao, i cili udhëtoi për në Portugali për funeralin e Pinto Da Costa, presidentit legjendar të Portos dhe mentorit të tij.
Në vend të tij, përkrah Tomorit, ishte Zlatan Ibrahimovic: “Sot do të jetë ndryshe nga ndeshja e parë, me 80 mijë tifozë milanistë në stadium, plus ata në gjithë botën, që do ta mbështesin ekipin.
Unë jam fitues dhe dua të sjell rezultate, të bëj diçka që mbetet në histori.
Milani duhet të jetë i fokusuar, agresiv dhe më konkret se në ndeshjen e parë. Duhet të hyjë në fushë me mentalitetin e një finaleje.
E rëndësishme është të fitojmë, edhe pse normalisht duam të luajmë mirë. Jemi në disavantazh të një goli, duhet të fitojmë për të kaluar në 1/8 finale.
Secili duhet të motivojë shokun e tij dhe ta bëjë këtë me përqendrim maksimal.
Është një punë kolektive që fillon nga disa individë, shkruan oranews.al.. Edhe ata në stol duhet të kontribuojnë, sepse gjithçka lidhet me ekipin. Kjo është ajo që e bën një grup të fortë”.
