Më 17 mars të këtij viti në fshatin Isniq të Deçanit, një shofer kishte goditur me veturë tre persona, një mashkull dhe dy femra dhe më pas kishte ikur në drejtim të panjohur.
Por Policia e Kosovës ka qenë në kërkim të të dyshuarit dhe pas 2 dite të njëjtin e ka arrestuar i cili më pas është dërguar në mbajtje me vendim të prokurorit.
“Fsh. Isniq, Deçan 17.03.2024-12:0. Me 19.03.2024 është arrestuar i dyshuari mashkull kosovar pasi që i njëjti me datën e lartë cekur ka goditur me veturë tre viktimat, një mashkull dhe dy femra kosovarë dhe ishte larguar në drejtim të panjohur. Viktimat kanë pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raportin 24 orësh të Policisë së Kosovës.
