Inspektorati i Policisë ka arrestuar katër zyrtarë policorë kosovarë.
Këtë e ka konfirmuar vetëm para pak çastesh Inspektorati Policor përmes një komunikate dërguar mediave.
Ata gjatë ditës së sotme janë marrë në pyetje, teksa në mbrëmje rezultoi arrestimi. Bëhet e ditur se angazhimi filloi në orët e para të mëngjesit, me të mësuar se kishte dyshime për përfshirje të mundshme të një zyrtari policor në një gjuajtje me armë zjarri.
“Pas ndërmarrjes së disa veprimeve hetimore në koordinim me prokurorinë hetuesit e IPK-së kanë arrestuar sot në orët e mbrëmjes katër zyrtarë policorë me dyshimin se kanë kryer veprën penale “mos lajmërim i veprës penale” dhe njëri nga ta është i dyshuar për veprën penale “vrasje – në tentativë” (lidhur me nenin 28 të Kodit Penal të Republikës së Kosovës)”, thuhet ndër tjerash.
