Ushtria izraelite ka bërë të ditur se ka identifikuar lëshime raketash nga Irani, në vazhdim të përshkallëzimit të konfliktit pas sulmeve amerikane ndaj objektivave iraniane.
Disa nga këto raketa u panë të kapeshin nga sistemet mbrojtëse edhe në qiellin e Amanit, duke qenë se ato kalojnë përmes hapësirës ajrore të Irakut dhe Jordanisë për të mbërritur në territorin izraelit.
Ky është tashmë lëshimi i 21-të me raketa balistike nga Irani në drejtim të Izraelit që prej fillimit të konfliktit 11 ditë më parë, kur Izraeli nisi goditjet ndaj objekteve bërthamore dhe ushtarake iraniane.
Të dielën në mëngjes, ushtria izraelite raportoi të paktën 10 goditje të drejtpërdrejta nga raketat iraniane në disa zona të vendit. Si pasojë, më shumë se 80 persona janë plagosur dhe është shkaktuar dëme të konsiderueshme në infrastrukturë.
Që nga fillimi i përleshjeve, disa raketa kanë arritur të shmangin mbrojtjen ajrore izraelite. Iranit i atribuohen armë të sofistikuara — duke përfshirë raketa balistike me udhëzim preciz dhe raketa hipersonike — që përbëjnë një sfidë serioze për sistemet e mbrojtjes të Izraelit. /
