Donald Trump ka dënuar ceremoninë kontroverse të hapjes së Lojërave Olimpike të javës së kaluar në Paris, duke e përshkruar atë si “të turpshme”.
Organizatorët e Olimpiadës janë detyruar t’i kërkojnë falje kujtdo që u ofendua nga një tablo që evokonte “Darkën e Fundit” të Leonardo da Vinçit, i cili përshkruan momentin kur Jezu Krishti deklaroi se një apostull do ta tradhtonte. Skena gjatë ceremonisë të së premtes shfaqi DJ dhe producent Barbara Butch, një ikonë LGBTQ+, e rrethuar nga artistë dhe kërcimtarë.
Konservatorët fetarë nga e gjithë bota e dënuan këtë segment dhe atyre iu bashkua së fundi edhe Donald Trump.
Ish-Presidenti tha për Fox: “Mendova se ceremonia e hapjes ishte një turp, në fakt. Ishte e turpshme”.
Duke folur për ceremoninë e hapjes së Lojërave Olimpike 2028 që do të mbahen në Los Anxhelos, Trump shtoi: “Ne nuk do të kemi një Darkë të Fundit siç e portretizuan ata (francezët). M’u duk e tmerrshme. Shiko, unë jam shumë mendjehapur, por mendova se ajo që ata bënë ishte një turp”., shkruan gazeta express.Edhe Konferenca e Peshkopëve të Kishës Katolike Franceze dënoi “skenat e talljes” që ata thanë se përbënin një tallje me krishterimin.
