Golashënuesi më i mirë i Botërorit “Italia ‘90” ka ndërruar jetë në spitalin e Palermos ku ishte shtruar për shkak të përkeqësimit të papritur të gjendjes së tij shëndetësore.
Sëmundja e rëndë e kancerit fatkeqësisht e mposhti “Toton”, që prej disa ditësh kiste mbajtur në ankth një komb të tërë.
Një ikonë e futbollit që mundi të pushtonte të gjithë në netët magjike të “Italia ’90”. Nëse thua Schillaci, thua Kupa e Botës. Një kombinim i pandashëm, që bashkoi një vend të tërë.
I lindur në Palermo më 1 dhjetor 1964, Salvatore Schillaci, i njohur nga të gjithë si Totò, u rrit si futbollist në fushat e lagjes së klasës punëtore të San Giovanni Apostolo dhe në ekipet e të rinjve të AMAT Palermo, më pas në 1982 u transferua në Mesina. Prej këtu, pas shumë stërvitjeve dhe dy promovimeve nga C2 në B, filloi ngjitja e tij në futbollin e madh.
Një katapultim që e çoi tek Juvja në vitin 1989, në ekipin kombëtar në 1990 dhe më pas tek Interi në vitin 1992 dhe në fund në 1994, tek Júbilo Iwata, në Japoni.s.n.
