Izraeli nuk i ka dhënë garanci administratës Biden se shënjestrimi i objekteve bërthamore të Iranit mund të përjashtohet si kundërpërgjigje për sulmet me raketa balistike iraniane në fillim të kësaj jave, tha një zyrtar i lartë i Departamentit të Shtetit të SHBA për CNN të premten.
Zyrtari shtoi se është “me të vërtetë e vështirë të thuhet” nëse Izraeli do të përdorë përvjetorin e sulmeve të Hamasit të 7 tetorit për t’u hakmarrë.
“Ne shpresojmë dhe presim të shohim pak mençuri si dhe forcë, por siç e dini, nuk ka garanci”, tha zyrtari DASH-it i pyetur nga CNN nëse Izraeli ka siguruar SHBA-në se objektet bërthamore të Iranit janë jashtë tryezës.
Zyrtarët amerikanë kanë shprehur mbështetje për reagimin e Izraelit ndaj sulmit raketor të Iranit në fillim të kësaj jave, me shumë zyrtarë që thonë publikisht se duhet të ketë pasoja. Në të njëjtën kohë, zyrtarët kanë shprehur gjithashtu shqetësime për një zemërim rajonal teksa po përballen me një Lindje të Mesme gjithnjë e më të paqëndrueshme.
Presidenti Joe Biden tha në fillim të kësaj jave se SHBA nuk do të mbështesë Izraelin që synon programin bërthamor të Iranit.
“Nëse do të isha në vendin e tyre, do të mendoja për alternativa të tjera përveç goditjes së fushave të naftës”, tha Biden në një konferencë shtypi të premten.rtk.
