Angelina Jolie bën thirrje për një armëpushim të menjëhershëm në Rripin e Gazës.
Ndërsa flet për luftën midis Izraelit dhe Hamasit, fituesja e çmimit Oscar, shkruan se ‘si miliona në mbarë botën’ gjatë javëve të fundit, është ndjerë ‘e tronditur dhe e zemëruar me sulmin terrorist në Izrael’ që shkaktoi ‘vdekjen e kaq shumë civilë të pafajshëm.
Në postimin e saj të fundit, të ndarë me më shumë se 14.6 milionë ndjekësit e saj në Instagram, nëna e gjashtë fëmijëve zbulon se ka kaluar kohën e saj ‘duke pyetur veten se si ta ndihmojë për më mirë’.
“Ajo që ndodhi në Izrael është një akt terrori.
Por kjo nuk mund të justifikojë jetët e pafajshme të humbura në bombardimin e një popullsie civile në Gaza që nuk ka ku të shkojë, nuk ka qasje në ushqim apo ujë, nuk ka mundësi evakuimi, madje as të drejtën themelore të njeriut për të kaluar një kufi apo për të kërkuar strehim”, shkruan Jolie, duke shtuar.
“Për shkak të punës sime me refugjatët për 20 vjet, fokusi im është te njerëzit e zhvendosur nga dhuna në çdo kontekst.”
Aktorja iu referua punës së saj ‘me refugjatët’ për dy dekadat e fundit dhe se aktualisht është e fokusuar te ‘njerëzit e zhvendosur nga dhuna në çdo kontekst’.
“Gaza ka një popullsi prej mbi 2 milionë njerëz (gjysma e tyre fëmijë), të cilët kanë jetuar nën një bllokadë të ashpër për gati dy dekada”, theksoi ajo.
Jolie vazhdoi të dënojë “mohimin e ndihmës, karburantit dhe ujit” pasi “kolektivisht” ndëshkon të gjithë njerëzit, përfshirë civilët dhe fëmijët e pafajshëm.
“Njerëzimi kërkon një armëpushim të menjëhershëm. Jetët palestineze dhe izraelite – dhe jetët e të gjithë njerëzve në mbarë botën – kanë një rëndësi të barabartë”, përfundoi a
“Çdo gjë që mund të parandalojë viktimat civile dhe të shpëtojë jetë duhet të bëhet. Si shumë të tjerë, unë kam bërë përpjekjet e ndihmës mjekësore.
Unë kam zgjedhur të mbështes punën e Mjekëve pa Kufij dhe e kam mbyllur pas raportimit të tyre”, nënvizoi ajo. Jolie ka punuar me Komisionerin e Lartë të Kombeve të Bashkuara për Refugjatët (UNHCR) për më shumë se 20 vjet dhe ka shërbyer si ambasadore e vullnetit të mirë.
