Disa nga ngjarjet, njerëzit dhe datat më me ndikim në dhe atë botërore që kanë shënuar ditën e sotme, 15 korrik, shkruan Kosova Post.
15 Korriku është dita e 196 – kështu që deri në fund të vitit kanë mbetur edhe 169 ditë.
15 korrik 1099 – Në fund të Kryqëzatës I, qyteti i Jerusalemit ra në duart e Ushtrisë së Kryqëzatave. Kryqtarët bënë një masakër të paparë në Jerusalem duke vrarë mijëra myslimanë dhe hebrenj.
15 korrik 1974 – Regjimenti i Gardës Kombëtare të Qipros, nën kontrollin e oficerëve grekë, rrëzoi Presidentin Makarios dhe e zëvendësoi atë me liderin e organizatës së armatosur Eoka-B, Nikos Sampson. Turqia reagoi fuqishëm kundër grushtshtetit dhe filloi përgatitje për të përdorur të drejtat e shtetit garantues.
15 korrik 1983 – Zyra e Linjave Ajrore Turke (THY) në Aeroportin “Orly” të Parisit u sulmua me bombë nga militantët e organizatës terroriste armene ASALA-s. Për pasojë humbën jetën 8 persona, nga të cilët 2 turq dhe 4 francezë, si dhe u plagosën 55 të tjerë.
15 korrik 2016 – Anëtarët e organizatës terroriste FETO, të infiltruar aparateve të ndryshme shtetërore të Republikës së Turqisë, ndërmorën një tentativë për të bërë grusht shteti. Zyrat dhe studiot e Korporatës së Radios dhe Televizionit të Turqisë në Ankara u pushtuan dhe pjesëtarët e organizatës terroriste FETO, të vetëquajtur “Këshilli i Paqes në Vend”, imponuan me forcën e armëve leximin e një komunikate. Teksa puçistët anëtarë të organizatës terroriste FETO bombarduan Kuvendin e Madh Popullor të Turqisë, Drejtorinë e Policisë së Ankarasë dhe Departamentin e Operacioneve Speciale në tentativë për të arritur synimet e tyre të errëta, 251 persona u martirizuan në përpjekje për të të parandaluar grushtshtetin. Miliona qytetarë, të cilët mbushën rrugët dhe sheshet e Turqisë në përgjigje të thirrjes së Presidentit Recep Tayyip Erdogan, i thanë “Ndal” puçit. Qindra anëtarë të FETO-s, të përfshirë direk në këtë tentativë tradhtare ose mbështetës të saj, u arrestuan.
1799 – Një gur i shkruar u gjet nga kaptiteni francez Pierre-François Bouchard gjatë fushatës së Napoleonit në Egjipt. Guri u zbulua nga dheu në fshatin Roshid (Rosetta). Eshtë një pllakë gur granit i zi, ku janë gdhendur tre mbishkrime apo tekste të njëjta, por në 3 gjuhë të ndryshme. Guri Rosetta iu dorëzua trupave britanike në 1801. Shkencëtarët mendojnë se guri ka qenë monument në formë ylli, i ngritur pas kurorëzim të mbretit Ptolemeut V, për të themeluar kultin hyjnor të sunduesit të ri. Dekreti për këtë monument u lëshua nga një kuvend priftërinjsh në Memfis. Data e dekretit është dhënë si “4 Xandicus” në kalendarin e Maqedonisë së lashtë dhe “18 Meshir” në kalendarin egjiptian, date që përkon me 27 mars 196 pes. Viti është shpallur si viti i nëntë i mbretërimit të Ptolemeut V dhe kjo është konfirmuar nga emrat e katër priftërinjtë që shërbyen në të njëjtin vit, përfshi Aëtus bir i Aëtus, i cili ishte prift i kulteve hyjnore të Aleksandrit të Madh. Ylli prej graniti të zi është shkruar në “gjuhën e perëndive” (hyeroglife); “gjuhën e dokumenteve” (demotike); dhe “gjuhën e grekëve” (përdorur nga dinastia Ptolemeu). Tempulli ku u vendos guri u shkatërrua ndoshta rreth vitit 392, kur perandori romak lindor Theodosi urdhëroi mbylljen e të gjithë tempujve pagane ose jo të krishterë. Me kalimin e kohës, pllaka e shkruar (përmasat e së cilës nuk dihen saktësisht) u thye, copat u morën nga banorët për ndërtime, dhe ‘Guri i gjetur në Roshid apo Rosetta është një pjesë e mbetur prej tij. Guri Rosetta ruhet në muzeun britanik dhe është një nga objektetet më të vizituara. Përkthimi i parë i plotë i tekstit greqisht u shfaq në vitin 1803. Megjithatë kaluan 20 vjet para se përkthimi i teksit egjiptian (hyeroglif) u njoftua nga Jean-François Champollion në Paris në 1822; dhe u desh më gjatë para se studiuesit të ishin në gjendje për të lexuar me besim mbishkrimet e lashta. Që nga zbulimi, Guri Rosetta ka qenë në qendër të rivaliteteve për zotërim midis Francës dhe Britanisë, dhe që nga viti 2003, edhe Egjipti ka dalë me kërkesat e veta për kthimin e gurit.
1838 – Ralph Waldo Emerson mban një fjalim në shkollën Harvard Divinity (Boston), ku hedh poshtë mrekullitë biblike dhe e cilëson Jezus Krishtin njeri të madh, por jo Perëndi. Bashkësia protestante reagoi me zemërim.
1916 – Në Seattle, Washington, William Boeing dhe George Conrad Westervelt krijojnë kompaninë Aero Pacific, që u quajt më pas Boeing, firmë e njohur sot për prodhimin e aeroplanëve.
1948 – Presidenti amerikan, Harry S. Truman, u nominua për një mandat të dytë gjatë Kuvendit të Partisë Demokrate në Philadelphia.
1979 – Presidenti amerikan Xhimi Karter mban të ashtuquajturin ‘fjalimin e rraskapitjes’, ku ai karakterizon kërcënimet kryesore për vendin; dyshimi në rritje mbi kuptimin e jetës; dhe humbjen e unitetit të qëllimit.
1976 – Odiseja 36-orëshe e rrëmbimit filloi për 26 nxënës dhe shoferin e autobusit të tyre, pasi që ata u rrëmbyen nga tre të armatosur në Kalifornia dhe u mbajtën në një qeli nëntokësore. Të rrëmbyerit ikën dhe nuk pati të lënduar.
1979 – Presidenti amerikan, Jimmy Carter, mbajti një fjalim, në të cilin kritikoi “krizën e besimit” në Amerikë. Ndonëse ai nuk e shfrytëzoi këtë term, fjalimi mbeti i njohur si fjalimi i “sëmundjes”.
1996 – MSNBC-ja, një rrjet 24-orësh me lajme, bëri debutimin e tij në televizionin kabllor dhe në internet.
2006 – Shpallet Twitter, sot një nga platformat e mediave sociale më të mëdha në botë. Twitter ishte krijuar në mars të vitit 2006 nga Jack Dorsey, Evan Williams, Biz Stone dhe Noah Glass dhe hyri në përdorim në korrik. Shërbimi shpejt fitoi popullaritet në mbarë botën, me 500 milionë përdorues të regjistruar në vitin 2012, të cilët postuan 340 milionë mesazhe në ditë. Më 2013 Twitter ishte një nga 10 faqet e internetit më të vizituara dhe është cilësuar si “SMS e internetit. Twitter do të thotë ‘Zog’ dhe në logon e saj përfaqësohet nga një lloj zogu blu që gjendet në Amerikë. Idea për emrin Twitter e ka zanafillën nga logoja e një faqeje interneti me emrin ‘Larry the Bird’ (Larry Bird, ish-basketbollist i njohur amerikan i skuadrës Celtics të Bostonit).
Lindje
1606 – Lindi piktori Rembrandt në qytetin Leiden të Hollandës
1901 – Nicola Abbagnano, filozof italian
1904 – Dervish Luzha , patriot dhe shenjtor shqiptar
1930 – Jacques Derrida, filozof francez
1949 – Carl Bildt, politikan suedez,
1963 – Brigitte Nielsen, akore daneze
1971 – Danijela Martinović, kengetare kroate
Vdekje
1876 – Aleksander Fredro, dramaturg polak
1904 – Anton Pavloviq Çehov, letrar rus
1915 – Çerçiz Topulli pushkatohet në Shkodër.
1915- Mehmet Shpendi, Bashkëthemelues dhe udhëheqësi kryesor i “Djelmnia e Shalës”, udhëhoqi çetat e Dukagjinit kundra pushtuesve Osman dhe atyre të Malit të Zi, Hero i Popullit. (l. 1851).
1915 – Vat Gjelosh Ndoka, Luftëtar dhe pjestar aktiv i “Djelmnia e Shalës”, Dëshmor i Atdheut. (l. 1870).
1919 – Hermann Emil Fischer, biokimist gjerman
