Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 16 janar.
16 janar 1804 – Shpikësi, fizikani dhe kimisti francez, Joseph Louis Gay-Lussac, u ngjit deri në 7.016 m lartësi nga toka brenda një balone me hidrogjen. Ai e mbajti këtë rekord për 50 vite radhazi.
16 janar 1928 – Stalini mori drejtimin e ish-Bashkimit Sovjetik dhe vendosi që politikanët opozitarë, mes të cilëve spikaste veçanërisht Leon Trocki, të internoheshin jashtë shtetit. Trocki, i internuar më datë 20 janar, erdhi në Turqi së bashku me të shoqen dhe djalin më datë 14 shkurt. Ai jetoi në Stamboll rreth 4 vite e gjysmë.
16 janar 1970 – Muammar Gadafi, i cili pati marrë pushtetin në Libi pas grushtshtetit të Lëvizjes së Oficerëve të Lirë në vitin 1969, u bë kryeministër dhe ministër i Mbrojtjes me hyrjen në fuqi të kushtetutës së re. Lider absolut i Libisë për më shumë se 40 vite, Gaddafi u linçua për vdekje në qytetin e Sirtes pas kryengritjes popullore në vitin 2011.
16 janar 1991 – Shtetet e Bashkuara të Amerikës dhe aleatët e saj filluan Operacionin “Stuhia e Shkretëtirës” kundër Irakut, vend që kishte pushtuar Kuvajtin. Ky operacion nisi me sulme raketore dhe një sërë ofensivash ajrore. Pas fillimit të Operacionit “Stuhia e Shkretëtirës”, i cili njihet ndryshe edhe si Lufta I e Gjirit, ushtria irakiane goditi Izraelin me raketa “Scud”.