Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 17 dhjetor, shkruan Kosova Post.
1903 – Vëllezërit Wright bëjnë fluturimin e parë të kontrolluar të mundshëm. Me një avion, më të rëndë se ajri, ato kryen disa fluturime në Kitty Hawk, të Karolinës Veriore. Avioni Wright Flyer, u hartua dhe u ndërtua nga vëllezërit Wright. Ata e fluturuan katër herë me të, afër Kill Devil Hills, rreth katër milje në jug të Kitty Hawk-ut. Kjo shënon zyrtarisht nisjen e epokës së fluturimeve.
1932 – Lindi ne Sarajevë Tinka Kurti, është një nga aktoret më të njohura shqiptare. Pjesën më të madhe të jetës e kaloi në Shkodër, ku edhe iu bashkua teatrit në moshë të re. Që nga viti 1949 e deri sa doli në pension ishte aktore e Teatrit “Migjeni” të Shkodrës, ku interpretoi rreth 120 role. Veçanërisht e suksesshme në rolet e forta dramatike të nënave, por po kaq e suksesshme në komedi. Shkëlqen me role protagoniste në “Gjaku i Arbrit”, “Histori Irkutase”, “Toka Jonë” – ku luan në fillim Filen e pastaj Loken, “Fisheku në pajë” apo “Fejesa e Çehovit”. Kurti ka interpretuar edhe në kinema, në rreth 35 filma artistikë, duke filluar me filmin e parë shiptar të metrazhit të gjatë, “Tana”, më 1958. Ndër vepra të tjera janë Nënë Pashako tek “Yjet e netëve të gjata” (1972), nëna tek “Çifti i lumtur” (1975), Sinjorina Mançini tek “Vajzat me kordele te kuqe” (1978), Gjyshja tek “Zemra e nënës”. Tinka Kurti ka marrë çmime të shumta, si në festivalet kombëtare të filmit, ashtu edhe në ato të teatrit. Këtyre çmimeve u shtohen edhe vlerësime të tjera të rëndësishme, si medalja “Mjeshtër i Madh i Punës”, akorduar nga Presidenti i Republikës. Dy kinema, një në Tiranë dhe një në Durrës mbajnë emrin e saj. Gjithashtu, emrin e Tinka Kurtit mban edhe një shkollë në fshatin Lekbibaj në Shqipëri.
1944 – Gjatë Betejës së Ardeneve, në Luftën e Dytë Botërore, ndodh Masakra e Malmedy-së. Masakra e Malmedy ishte një krim lufte i kryer nga anëtarët e Kampfgruppe SS Peiper, një njësi gjermane luftarake e drejtuar nga Joachim Peiper, në Malmedy, të Belgjikës. Si pasojë 85 robër lufte amerikanë u pushkatuan nga nazistët, dhe trupat e tyre u lanë në borë.
1957 – Shtetet e Bashkuara lëshuan me sukses raketën e parë balistike ndërkontinentale Atlas në Cape Canaveral, të Floridas. Atlas SM-65 ishte raketa e parë operative interkontinentale balistike e zhvilluar nga SHBA-ja dhe e para e llojit Atlas. Ajo u ndërtua për Forcën Ajrore, nga Divizioni Convair i General Dynamics në një fabrikë montimi të vendosur në San Diego.
1967 – Harold Holt, Kryeministri i Australisë, zhduket befasisht, ndërsa ishte duke notuar në plazhin e Portsea-s. Trupi i tij nuk u gjet kurrë, dhe u shpall i vdekur në mungesë. Zhdukja e tij shkaktoi një numër teorish konspirative. Holt ishte kryeministri i tretë australian që vdiq në detyrë, për tu pasuar nga John McEwen, dhe më pas nga John Gorton.
1975 – Lind në Kiev të Ukrainës, Milla Jovovich. Jovovich, është një aktore, modele dhe muzikante amerikane. Rolet e saj në filma fantastiko shkencorë dhe në filmat aksion e konsideruan atë si, “mbretëreshën e goditjes” në 2006. Në 2004, sipas revistës Forbes ajo ishte modelja më e paguar në botë. Nga 2002 deri në 2016, Jovovich portretizoi Alice në filmin horror “Resident Evil”.
2011 – Vdes në moshën 70 vjeçare në Pyongyang, Kim Jong Il. Ai, ishte udhëheqësi i dytë i Koresë së Veriut. Kim Jong Il, u ngjit në pushtet, pas vdekjes së babait të tij Kim Il-sung, udhëheqësi i parë i Koresë së Veriut. Ai do të mbahet mënd gjithashtu edhe për metodat tejet diktatoriale të qeverisjes së vëndit të varfër aziatik. Pas vdekjes së tij, pushteti u kalua në duart e të birit Kim Jong Un.
2014 – Shtetet e Bashkuara dhe Kuba rivendosin marrëdhëniet diplomatike pas ndërprerjes së tyre në vitin 1961. Përfaqësimi diplomatik i SHBA-së, në Kubë trajtohet nga ambasada në Havana, ndërsa, ekziston një ambasadë e Kubane në Washington. SHBA-ja, megjithatë, vazhdojn të ruajë embargon e saj tregtare, ekonomike dhe financiare, duke e bërë atë të paligjshëm për korporatat amerikane për të bërë biznes me Kubën.
