Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 17 prill, shkruan Kosova Post.
1895 – Është nënshkruar Traktati i Shimonoseki midis Kinës dhe Japonisë. Kjo shënon fundin e Luftës së Parë Sino-Japoneze, dhe Perandoria Qing humbur detyrohet të heqë dorë nga pretendimet e saj mbi Korenë. Ajo gjithashtu, duhet të pranojë dhe pushtimin japonez në pjesën jugore të provincës Fengtien, Taiwanin, dhe Ishujt Pescadores në Japoni. Por këto territore, u rimorën nga Kina pas gjysëm shekulli.
1942 – Vdes në moshën 71 vjeçare, Jean Baptiste Perrin. Perrin, ishte një fizik francez i cili, në studimet e tij për lëvizjen Browniane të grimcave minutë të pezulluara në lëngje, verifikoi shpjegimin e Albert Einstein për këtë fenomen dhe në këtë mënyrë konfirmoi natyrën atomike të materies (ekuilibri i sedimentimit). Për këtë arritje ai u nderua me Çmimin Nobel për Fizikë në 1926.
1949 – Në mesnatën e 17 Prillit, 26 qarqet irlandezë largohen zyrtarisht nga Commonwealth Britanik. Një përshëndetje me 21 armë në Urën O’Connell, Dublin, bëhet për nder të këtij eventi, në Republikën e Irlandës. Commonwealth of Nations, zakonisht i njohur thjesht si Commonwealthi, është një shoqatë politike e 55 shteteve anëtare, gati të gjitha territoret e mëparshme të Perandorisë Britanike.
1959 – Lind në Sheffield, Sean Bean. Bean, është një aktor i famshëm anglez. Pasi u diplomua në Akademinë Mbretërore të Artit Dramatik, Bean bëri debutimin e tij profesional në një prodhim teatri të Romeo dhe Juliet në 1983. Disa nga filmat e tij më të spikatur janë, Golden Eye, Ronin, Lord of the Rings, Troy, Flightplan, North Country, The Island , Silent Hill, Death Black, Jupiter Ascending.
1961 – Një grup mërgimtarësh kubanë të financuar dhe trainuar nga CIA, zbarkojnë në Gjirin e Derrave në Kubë me qëllim të rrëzimin e pushtetit të Fidel Castros. Ky operacion, ushtarak klandestin, u zhvillua në kulmin e Luftës së Ftohtë dhe dështimi i tij çoi në ndërrime të mëdha në marrëdhëniet ndërkombëtare midis Kubës, Shteteve të Bashkuara të Amerikës, dhe Bashkimit Sovjetik.
1969 – Sirhan Sirhan, u dënua për vrasjen e Robert F. Kennedy. Sirhan, është një Palestinez me nënshtetësi jordaneze, i cili vrau senatorin amerikan Robert F. Kennedy në Hotelin Ambasador në Los Angeles, California, më 5 qershor 1968. Ai vdiq të nesërmen në Spital. Sirhan u dënua për vrasje dhe po vuan dënimin me burgim të përjetshëm në Facility Correctional Richard J. Donovan në San Diego County, California.
1975 – Përfundon Lufta Civile në Kamboxhiane. Khmer Rouge kap kryeqytetin, Phnom Penh dhe forcat e qeverisë Kamboxhiane, dorëzohen para tyre. Në këtë luftë që do të zgjaste 8 vjet, do të përfshiheshin nga njëra anë, Kamboxhia, Vietnami i Jugut, dhe Shtetet e Bashkuara të Amerikës, ndërsa nga ana tjetër do të ishin, Forcat Komuniste kamboxhiane, Vietnami i Verit, dhe Bashkimi Sovjetik.
2014 – Teleskopi hapësinor Kepler i NASA konfirmon zbulimin e planetit të parë me përmasa Tokësore në zonën e banueshme të një ylli tjetër. Teleskopi hapësinor Kepler i NASA-s e zbuloi atë duke përdorur metodën e tranzitit, së bashku me katër planetë shtesë që rrotullohen shumë më afër yllit të gjitha modestisht më të mëdha se Toka. Analiza e tre viteve të të dhënave ishte e nevojshme për të gjetur sinjalin e saj.
