Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 18 tetor, shkruan Kosova Post.
1922 – Themelohet në Londër British Broadcasting Corporation, e njohur ndryshe edhe si BBC. Kjo kompani shumë shpejt do të bëhej një nga liderët e Europës dhe mbarë Botës, përsa i përket fushës mediatike të lajmeve dhe televizionit. BBC-ja do të kthehej në simbolin e fjalës së lirë në Europën e pushtuar nga nazistët, dhe më pas gjatë periudhës së Luftës së Ftohtë në vëndet ku sundonin regjimet komuniste. Për gati një shekull British Broadcasting Corporation është “zëri zyrtar” i Britanisë së Madhe, dhe numëron në stafin e saj afro 35 mijë punonjës.
1925 -Lindi në Shkodër Ramiz Alia, ish kryetar i Shqipërisë, politikan, ka qenë një nga figurat më të rëndësishme të Partisë së Punës së Shqipërisë, i cili udhëhoqi Shqipërinë mes viteve 1984 – 1990 dhe president i republikës. Alia përfshihet në listën e përpiluar nga Instituti i Studimit të Krimeve dhe Pasojave të Komunizmit, që përmbledh pjesëmarrësit që kanë përgjegjësi direkte për krimet e Partisë Komuniste Shqiptare dhe të Ushtrisë Nacionalçlirimtare, duke qene, sipas ligjit nr. 41, anëtarë të strukturave politike dhe ushtarake “që kanë inspiruar, organizuar, urdhëruar, ekzekutuar ose ndihmuar forcat partizane në vepra kriminale”. Pas zgjedhjeve të para shumëpartiake në Shqipëri të zhvilluara më 31 mars 1991, parlamenti i ri pluralist i dominuar nga deputetët e PPSH-së, më 30 prill 1991 me propozim të PPSH-së e zgjodhi Ramiz Alinë, President të Republikës. Me rënien e qeverisë së koalicionit në dhjetor 1992 dhe Partia Demokratike e Shqipërisë korri një fitore dërrmuese në zgjedhjet e përgjithshme të pranverës 1992, ai dha dorëheqjen si president më 3 prill, 1992. Më 12 shtator 1992 vendoset me arrest shtëpie dhe një vit më pas arrestohet. Më 21 maj, 1994, zyrtarë të lartë të regjimit komunist, përfshirë edhe Alia, shkoi në gjyq. Alia u akuzua për shpërdorim të pushtetit dhe shpërdorim të fondeve shtetërore. Në gjykatë pretendoi se ishte viktimë e një gjyqi politik tregojnë dhe kërkoi që gjyqi të transmetohej në televizion, një kërkesë mohuar nga gjyqtari kryesues. Gjyqi u monitorua nga një përfaqësues i Human Rights Watch – Helsinki dhe vazhdoi me vetëm disa parregullsi proceduriale të vogla. Dhjetë të pandehurit ishin gjetur fajtorë si të akuzuar dhe të dënuar me ndërmjet tre dhe nëntë vjet në burg; Alia mori një dënim nëntë vjeçar.
1945 – Udhëheqësi ushtarak i Argjentinës, Juan Domingues Peron, martohet me aktoren e famshme Eva Duarte, e njohur ndryshe si Evita. Çifti Peron-Duarte do të bëhej një nga më të famshmit dhe më të komentuarit në Argjentinën e viteve 40-50. Ata do ta udhëhiqnin këtë vënd deri ën vitin 1952, kur Juan Peron do të linte pushtetin si pasojë e humbjes në zgjedhje. Vetë Evita do të vdiste po atë vit nga një sëmundje e pashërueshme. Ndërsa Juan-i do të vdiste në mërgim në 1974 pas ardhjes në pushtet të Juntës Ushtarake e cila, do të qeveriste me dorë të hekurt.
1960 – Lind në Saint Agatha të Belgjikës, një nga yjet më të famshëm të kinematografis botërore Jean Claude Van Damme. Van Damme gjatë karierës së tij të pasur filmike interpretoi në rreth 60 filma të zhanerit aksion. Më të spikaturit janë, Bloodsport, Universal Soldier, Double Team, Lionheart, dhe The Expendables. Gjithashtu ai përpos karrierës kinematografike, ka ushtuar edhe aktivitetin në sportet e Kickbox-it dhe Thaibox-it. Van Damme ka interpretuar përkrah ikonave botërore të aksionit si Stallone, Schëartzeneger, Lundgren, etj.
1967 – Bashkimi Sovjetik, lëshon në hapësirë, sondën kozmike Venera – 4. Ky do të ishte hapi i katërt i CKP-së e njohur ndryshe edhe si Agjensia Hapësinore Sovjetike, për eksplorimin e planetit Venus. Pasi para kësaj, në këtë planet ishin dërguar dhe tre sonda të tjera hapësinore. Programi kozmik që do të synonte një cikël misionesh eksploruese në këtë planet do të financohej nga Kremlini zyrtar. Venera – 4 peshonte 1.2 ton dhe u end në planetin Venus për 293 ditë.
1977 – Në Gjermaninë Perëndimore do të ndodhte ajo që do të quhej edhe si “Vjeshta Gjermane”. Antarët e organizatës terroriste me prirje të majta RAF, do të ekzekutonin Hans Martin Schleyer-in. Schleyer ishte, një bizensmen dhe industrialist i pasur, duke qënë njëkohësisht edhe Kryetari i Dhomës së Industrialistëve gjermanë. Ai u gjet i qëlluar me plumba automatiku në bagazhin e një makine në Mulhouse të Francës. Kjo vrasje ndodhi si hakmarrje ndaj vdekjeve misterioze të tre prej antarëve të RAF-it të cilët ishin burgosur në Bonn.
1978 – Vdes në Havana, në moshën 65 vjeçare agjenti i famshëm i KGB-së Ramon Mercader. Mercader, do të njihet gjerësisht për publikun ndërkombëtar, si vraësi i Leon Trotsky-t, në Meksikë në vitin 1940. Ai u rekrutua nga shërbimi sekret sovjetik, dhe i kamufluar si gazetar, godet me kazëm në kokë Trotsky-n në zyrën e këtij të fundit. Më pas Mercader dënohet me 20 vjet burg, dhe pas lirimit ikën në Moskë ku dekorohet me medaljet më të larta, për shërbimet e tij.
2011 – Merr fund odiseja e pengmarrjes së ushtarit izraelit Gilad Shalit, i mbajtur rob prej 5 vitesh nga organizata palestineze, Hamas. Shalit u zu rob dhe më pas u trajtua si peng nga palestinezët, në konfliktin me Izraelin në vitin 2006. Pas shumë përpjekjesh nga ana e Tel Avivit zyrtar, por edhe të organizatave ndërkombëtare, në Tetor të vitit 2011 u arrit një marrëveshje. Mbi 1000 të burgosur palestinezë dhe arabë do të liroheshin nga burgjet izraelite, dhe do të shkëmbeheshin me Gilad Shalit. Ardhja e Shalit-it në Izrael u prit me nderime të mëdha.
