Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 22 mars, shkruan Kosova Post.
22 mars 1888 – Flota e Perandorisë Osmane u përforcua për herë të parë me dy nëndetëse, të cilat morën emrat e sulltanëve Abdyl Hamit dhe Abyl Mexhit. Nëndetëset me avull u dizajnuan nga industrialisti suedez Thorsten Nordenfelt, u prodhuan në Mbretërinë e Bashkuar dhe u montuan në Stamboll.
22 mars 1968 – Në Franca nisën “Protestat e ’68-s”, të cilat patën një ndikim të gjatë në historinë evropiane dhe atë botërore. Nën udhëheqjen e aktivistit Daniel Cohn-Bendit, studentët e Universitetit Nanterre të Parisit pushtuan auditorin e parë të universitetit për të protestuar luftën e Shteteve të Bashkuara të Amerikës në Vietnam dhe kërkuar reformë në arsim. Pasi rektorati i universitetit ftoi policinë për të ndërhyrë ndaj rreth 150 studentëve protestues, ngjarjet u përshkallëzuan duke nxitur bojkote studentore dhe greva të punëtorëve në mbarë vendin.
22 mars 2013 – Kryeministri i Izraelit, Benjamin Netanyahu, kërkoi zyrtarisht falje nga Turqia për bastisjen në anijen “Mavi Marmara”.
Më 22 mars 1765 mbreti i Anglisë, Xhorxhi i Tretë, nënshkroi Ligjin e Pullave për kolonitë amerikane. Ligji i ri britanik vinte tarifa për shumicën e dokumenteve publike, duke përfshirë gazetat, shkresat e doganave, dokumentet ligjore dhe patentat. Kolonitë mblodhën në Nju Jork, kongresin që do të shqyrtonte ligjin e Pullës dhe do të formulonte një përgjigje ndaj tij. Delegatë nga 9 prej kolonive hartuan një deklaratë të të drejtave dhe ankesave, për t’ia paraqitur mbretit të Anglisë, Xhorxh i Tretë dhe Parlamentit. Në deklaratë thuhej se vetëm legjislaturat e kolonive kishin të drejtë të mblidhnin taksa në kolonitë dhe që Ligji Anglez i Pullës, shkelte të drejtat dhe liritë e kolonistëve. Disa historianë thonë se Kongresi për Ligjin e Pullës, mund të shihet si hapi i parë drejt Revolucionit Amerikan.
Më 22 mars 1621 pelegrinët, siç njihen refugjatët fetarë, që erdhën në Amerikë kishin nga Anglia, nënshkruan Traktatin e tyre të parë të paqes me indianët vendas, në atë që tani është shteti Massachusetts. Masasoit, kryetari i fisit Wampanoags, në tokën e të cilit palegrinët ishin sistemuar, e miratoi marrëveshjen. Në bazë të marrëveshjes, në se dikush sulmonte indianët, pelegrinët do të ishin aleatët e tyre. Po ashtu edhe indianët premtuan t’i ndihmonin pelegrinët, në rast se dikush i sulmonte. Marrëdhëniet paqësore ndërmjet indianëve vendas dhe pelegrinëve vazhduan për rreth 50 vjet, derisa vdiq kreu i fisit, Masasoit. Atëhere djali i tij, Metakamet, udhëhoqi fisin e tij dhe fise të tjera verilindore në luftë kundër evropianëve, duke i akuzuar ata se kishin vjedhur tokën e indianëve.
