Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 23 mars.
23 mars 625 – Ushtria islame nën udhëheqjen e Profetit Muhamed (s.a.v.) u përball me paganët e Mekës në Betejën e Uhudit. Asnjëra nga palët nuk arriti të sigurojë fitoren.
23 mars 1933 – Pak kohë pas shkatërrimit të Parlamentit të Gjermanisë (Reichstag) nga zjarri i 27 shkurtit, Presidenti Hindenburg dekretoi aktin e miratuar nga Parlamenti duke i dhënë qeverisë, rrjedhimisht Adolf Hitlerit, kompetenca diktatoriale që eliminonin të drejtat dhe liritë individuale.
23 mars 2011 – Aktorja e famshme anglo-amerikane, Elizabeth Taylor, laureate e 2 çmimeve Oskar, u nda nga jeta në moshën 79-vjeçare për shkak të insuficiencës kardiake.
23 mars 2014 – Forcat Ajrore të Turqisë rrëzuan një avion luftarak të regjimit sirian pasi kishte shkelur në mënyrë të përsëritur hapësirën ajrore turke.
1919 – Në Milano të Italisë, Benito Mussolini themelon lëvizjen e tij politike Fashiste. Fashizmi italian ishte i rrënjosur në nacionalizmin italian, sindikalizmin kombëtar, nacionalizmin revolucionar dhe dëshirën për të rivendosur dhe zgjeruar territoret italiane, të cilat fashistët italianë e konsideruan të domosdoshme që një komb të mbronte epërsinë dhe forcën e tij dhe të shmangte dorëzimin në kalbje.
1935 – Vdiq në Vjenë Aleksandër Moisiu, ishte aktor austriak me origjinë shqiptare. Moisiu vlerësohej shumë nga publiku i tij për shkak të zërit të tij të bukur si dhe për angazhimin e tij emocional. Ai llogaritej sidomos në vitet para fillimit të Lufta e Parë Botërore si një nga aktorët më të mëdhenj në hapësirën gjermanofolëse. Në periudhën mes dy luftërave ishte shumë kohë në turne. Në Berlin aktronte në këtë kohë vetëm si mysafir. Stili i tij i aktrimit llogaritej këtu si i vjetëruar dhe nuk mund të matej më me zhvillimet teatrore si ai i ekspresionizmit, apo teatri politik i Brecht-it apo i Piscator-it. Në vitin 1935, pak kohë para vdekjes së tij, Moisiu kërkoi shtetësinë e Shqipërisë si dhe atë të Italisë. Shqipëria refuzoi këtë kërkesë, kurse Italia ia dha shtetësinë Moisiut, kur ai ishte i shtrirë në shtratin e vdekjes. Moisiu sot adhurohet dhe respektohet sidomos në Shqipëri si një ndër aktorët më të mëdhenj të vendit, edhe pse ai që nga rinia e tij më nuk e vizitoi Shqipërinë. Shkolla e aktrimit në Tiranë, Universiteti i Durresit, Shkolla e mesme e përgjithshme në Kavajë dhe teatri i Durrësit e mbajnë emrin e tij.
1952 – Lind në Texas, Rex Tillerson. Tillerson, është një inxhinier amerikan dhe ekzekutiv i energjisë që shërbeu si Sekretari i 69-të i Shteteve të Bashkuara nga 1 shkurt 2017, deri më 31 Mars 2018, nën Presidentin Donald Trump. Para se të hynte në administratën Trump, Tillerson ishte kryetar dhe zyrtar kryesor ekzekutiv i ExxonMobil, duke mbajtur atë pozitë nga 2006 deri në 2017.
1956 – Pakistani bëhet republika e parë islamike në botë. Kjo datë tani festohet si Dita e Republikës në Pakistan. Dita e Republikës, është një festë kombëtare në Pakistan duke përkujtuar Rezolutën e Lahore të miratuar në 23 Mars 1940 dhe miratimin e të parës kushtetutë të Pakistanit gjatë kalimit të dominimit britanik të këtij vëndi në Republikën Islamike. Kjo ditë përkujtohet me paradë ushtarake.
