Zëvendëspresidentja amerikane Kamala Harris është alternativa kryesore për të zëvendësuar presidentin e SHBA, Joe Biden, nëse ai vendos që të mos e vazhdojë fushatën e tij për t’u rizgjedhur president i SHBA-së.
Kështu njofton Reuters duke iu referuar shtatë burimeve të nivelit të lartë në ekipin e fushatës së Biden, në Shtëpinë e Bardhë dhe në Komitetin Kombëtar Demokratik, burime me dijeni për diskutimet aktuale mbi këtë temë.
Prezantimi kuturu i Joe Biden, ndonjëherë jokoherent dhe gjerësisht i diskutuar në debatin e parë kundër rivalit republikan Donald Trump javën e kaluar ngriti një valë paniku brenda Partisë Demokratike me shqetësimin se ai mund të mos ishte mjaft i aftë për të shërbyer edhe në një mandat të dytë dhe nxiti thirrje nga këshilltarët e tij kryesorë që të jepte dorëheqjen.
Disa demokratë me ndikim kanë paraqitur alternativa të tjera ndaj Biden përveç Harris, duke përfshirë anëtarët e njohur të kabinetit dhe guvernatorët demokratë si Gavin Neësom nga Kalifornia, Gretchen Whitmer nga Michigan dhe Josh Shapiro nga Pensilvania.
Nëse emërohet si kandidate e partisë, znj. Harris, 59 vjeçe, do të merrte përsipër paratë e mbledhura nga fushata e Biden dhe do të trashëgonte infrastrukturën e fushatës, thanë burimet. Ajo gjithashtu është emri më i njohur midis të gjitha alternativave të tjera dhe pikët më të larta në sondazhe midis atyre demokratëve që mund të konsiderohen seriozisht kandidatë, thanë burimet, që nuk deshën t’u përmendën emrat.
Në një sondazh të Reuters/Ipsos të botuar të martën, znj. Harris e ndoqi Donald Trump me një pikë përqindje, 42% në 43%, një ndryshim që ishte brenda kufirit të gabimit prej 3.5 pikë në përqindjeje të sondazhit, një tregues statistikisht po aq i fortë sa ai i Joe Biden.
Përveç kësaj, ajo tashmë është verifikuar për postin kombëtar dhe i ka mbijetuar një kontrolli intensiv nga republikanët, thanë ata.
Gjithashtu, Përfaqësuesi i SHBA Jim Clyburn, njeriu që ishte kyç për fitoren e Joe Biden në vitin 2020, i tha MSNBC se do të mbështeste znj. Harris që të ishte kandidatja e demokratëve nëse Biden tërhiqej.
“Është pothuajse e pamundur të fitosh nominimin mbi zëvendëspresidenten,” tha Michael Trujillo, një demokrat strateg nga Kalifornia që punoi për fushatën e Hillary Clinton në vitet 2008 dhe 2016.Syri.net.
