Policia e Kosovës njofton se një mashkull dhe një femër me shtetësi të huaj, kanë tentuar që të fluturojnë nga aeroporti “Adem Jashari” për në Vjenë, duke prezantuar lejeqëndrim të një shteti tjetër, i cili dyshohet të jetë i falsifikuar.
Sipas policisë i dyshuari mashkull është dërguar në mbajtje, ndërsa e dyshuara femër së bashku me fëmijët është dërguar në qendrën për punë sociale.
“Raportohet se të dyshuarit një mashkull dhe një femër me shtetësi të huaj kanë tentuar që të fluturojnë nga Aeroporti Prishtinë për në Vjenë, duke prezantuar leje qëndrim të një shteti tjetër e cila dyshohet të jetë e falsifikuar. Me vendim të prokurorit i dyshuari mashkull është dërguar në mbajtje, ndërsa e dyshuar femër së bashku me fëmijë në qendrën për punë sociale”, thuhet në raportin 24 orësh të policisë.
