Karabinierët italianë dhe Policia Ushtarake çeke e e Njësisë së Specializuar Shumëkombëshe të KFOR-it kanë kryer një demonstrim operacional të trajnimit për Kontrollin e Turmave dhe Trazirave në Prishtinë.
KFOR tha se ky aktivitet nxjerr në pah “rëndësinë e ndërveprueshmërisë dhe bashkëpunimit ndërkombëtar, të cilat janë thelbësore për sigurimin e ndërhyrjeve efektive dhe të koordinuara në misionet stabilizuese dhe menaxhimin e rendit publik”.
KFOR-i punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX) në rolet e tyre përkatëse si reagues të sigurisë./Express/
