Një transformator në fshatin Vilanc të Vushtrrisë, sipas KEDS-it është kampion për vjedhje të energjisë elektrike.
Nga KEDS bëjnë të ditur se transformatori furnizon 49 konsumatorë, ndërsa nga aty vidhet 56 për qind e rrymës.
“Ky transformator, kur bëhet fjalë për vjedhjet e energjisë elektrike, është kampion numër 1 në rang kombëtar, në Kosovë. Aty vidhet 56 për qind e rrymës! Transformatori ndodhet në fshatin Vilanc të Vushtrrisë dhe furnizon 49 konsumatorë të një pjese të fshatit. KEDS-i po bën kontrolle intensive, ditë e natë, kundër vjedhjeve të energjisë elektrike, dhe konsumatorët që kapen duke e vjedhur atë po i nënshtrohen procedurave ligjore, të cilat, kur bëhet fjalë për hajni të rrymës, janë shumë të rënda. Rryma t’kushton ma lirë!”, thuhet në njoftim.
