Sot njësitet e KFOR-it do të largojnë mjetet e rënda, kamionët e dëmtuar, të cilët kanë qenë të vendosur në lokacionin e quajtur “Përroi i Zhazhës”.
Kjo u bë e ditur nga Policia e Kosovës me anë të një njoftimi për media, ku thuhet se për shkaqe pune dhe sigurie nga mëngjesi një korsi e rrugës mbyllet për qarkullim.
Ndërsa, në mesditë për dy orë rresht do të mbyllet komplet rruga për qarkullim në drejtimin Mitrovicë – Jarinje.
Këto do të bëhen derisa të largohen mjetet e rënda, për t’u mundësuar qarkullimin dhe lëvizjen e lirë të mjeteve dhe qytetarëve.
Përgjatë kësaj kohe njësitet policore do të asistojnë KFOR-in, si dhe do të riorientojnë trafikun.
