Zëvendëspresidenti i SHBA-së JD Vance ka thënë se negociatorët amerikanë po largohen nga Pakistani pasi nuk arritën një marrëveshje me Iranin, pas 21 orësh bisedimesh.
Duke folur në një konferencë për shtyp nga Islamabadi i Pakistanit, JD Vance tha se Irani ka “zgjedhur të mos pranojë kushtet tona”.
“Lajmi i keq është se nuk kemi arritur një marrëveshje,” tha Vance. “Dhe mendoj se kjo është lajm i keq për Iranin shumë më tepër sesa për Shtetet e Bashkuara të Amerikës”, tha ai.
Zëvendëspresidenti tha se bisedimet me zyrtarët iranianë zgjatën 21 orë, duke i përshkruar si “diskutime thelbësore”, por shtoi se SHBA-ja nuk ishte e gatshme të bënte kompromis mbi “vijat e kuqe” të saj.
Zëvendëspresidenti i SHBA-së JD Vance tha të dielën se bisedimet me rëndësi të lartë ndërmjet SHBA-së dhe Iranit përfunduan pa marrëveshje, pasi zyrtarët iranianë refuzuan të pranonin kushtet amerikane.
“Pra, ne kthehemi në Shtetet e Bashkuara pa arritur një marrëveshje. Kemi bërë shumë të qartë cilat janë vijat tona të kuqe, cilat gjëra jemi të gatshëm t’i pranojmë dhe cilat nuk jemi të gatshëm t’i pranojmë,” shtoi JD Vance.
“Dhe e kemi bërë këtë sa më të qartë që është e mundur, por ata kanë zgjedhur të mos i pranojnë kushtet tona”, tha ai, raporton Fox News.
