Zjarre të shumta janë përhapur së fundi në Kosovë. Më të prekur nga këto zjarre janë rajonet e Prizrenit, saktësisht malet e Prevallës.
Në lidhje me këtë kryetari i Prizrenit, Shaqir Totaj ka deklaruar se KFOR-i ka intervenuar për të evituar rrezikun e përhapjes së mëtutjeshme të këtyre zjarreve.
KFOR-i ka intervenuar nga ajri për shuarjen e zjarrit, ndërsa Totaj tha se gjatë intervenimit është hedhur ujë, ndërsa zjarri është shuar deh nuk duket se ka shenja se mund të përsëritet e njëjta gjendje.
“KFOR-i edhe një herë e ri konfirmoi përkushtimin për t’u gjetur aty kur rrezikohet prona dhe jeta e banorëve në Kosovë”, tha ai.
Postimi i plotë i Totajt:
Të nderuar qytetarë,
Si rezultat i përcjelljes së gjendjes së krijuar me zjarret në Prevallë dhe pas konsultimeve me të gjithë akteret, përfshirë edhe KFOR-in, u vlerësua se për ta evituar rrezikun e përhapjes së mëtutjeshme të zjarrit duhet intervenuar nga ajri.
KFOR-i edhe një herë e ri konfirmoi përkushtimin për t’u gjetur aty kur rrezikohet prona dhe jeta e banorëve në Kosovë.
Gjate intervenimit nga ajri, nga ana e KFOR-it, me anë të helikopterëve është hedhur ujë, ndërsa, zjarri është shuar dhe nuk duket se ka shenja se mund të përsëritet gjendja e njejtë.
Megjithatë, bashkë me të gjithë akterët relevant në terren jemi në përcjellje të situatës.
Jemi falënderues dhe mirënjohës jo vetëm ndaj KFOR-it por dhe ndaj të gjithë akterëve tjerë të cilët dhanë kontributin, se pari për ta menaxhuar e pastaj për të shuar zjarrin.
Falënderim për shtabin emergjent të krijuar nga Drejtoria e Emergjencës dhe Sigurisë e Komunës së Prizrenit, posaçërisht zjarrfikësve prizrenas që monitoruan situatën gjatë gjithë kohës.
Bashkë jemi më të fortë!
