Kryetari i Listës Serbe, Zlatan Elek tërthorazi ka pranuar se Serbia ka ndikuar në rezultatin e zgjedhjeve lokale të 12 tetorit në komunat me shumicë serbe.
Elek siç raportojnë mediat lokale serbe, mbrëmë në një konferencë për media falënderoi presidentin e Serbisë, Aleksandar Vuçiq për mbështetjen e madhe për popullin serb dhe Listën Serbe, si dhe Qeverinë e Serbisë dhe Zyrën për Kosovën.
Ai falënderoi të gjithë anëtarët e komisioneve zgjedhore që, siç tha “mbrojtën kutitë dhe materialet zgjedhore që të mos përsëritet situata nga zgjedhjet parlamentare”.
Elek theksoi se në të gjitha 10 komunat, Lista Serbe ka shumicë prej dy të tretash, katër komunat në veri të Ibrit dhe gjashtë në jug të tij.
