Kryetari i PDK-së, Memli Krasniqi, ka kujtuar Azem Bejtë Galicën, ndërsa kujton heroizmin dhe kontributin e tij për lirin e trojeve shqiptare.
“Qysh si 16 vjeçar, Azemi u betua për një jetë kundër pushtuesve dhe për lirinë e trojeve shqiptare”, është shprehur Krasniqi.
Tutje theksoi Krasniqi se “100 vite më parë, në moshën 34 vjeçare, ra heroikisht një nga trimat më të rrallë të historisë tonë kombëtare, Azem Bejta. Edhe pse nuk jetoi gjatë, të bëmat dhe veprimtaria e Azemit tejkaluan moshën e tij të re. Ai ishte pjesë aktive e rezistencës kundër një perandorie që po shuhej dhe u bë personaliteti qendror i epokës së rezistencës së parë kundër pushtimit serb e jugosllav”.
