I pari i Qeverisë së Republikës së Kosovës, Albin Kurti, ka thënë se pret që dialogu me Serbinë të vazhdojë në vjeshtë. Por që, sipas tij, kjo është e kushtëzuar nga përcaktimi i ndërmjetësuesëve të këtij procesi, Josep Borrell dhe Miroslav Lajçak, transmeton Kosova Post.
Këto deklarime, Kurti e bëri për Tanjug nga Bledi i Sllovenisë ku edhe po merr pjesë në Forumin Strategjik të Bledit.
“Unë për më tepër pres që ne të konfirmojmë rëndësinë e Bashkimit Evropian dhe Ballkanit Perëndimor për njëri-tjetrin. BE duhet të ruhet dhe mbrohet, dhe unë besoj se reformat e brendshme në BE dhe zgjerimi i jashtëm plotësojnë njëra-tjetrën. Ne kishim dy takime deri më tani, mund të kemi në vjeshtë një takimin të tretë, por kjo gjithashtu varet nga ndërmjetësuesit Z. Borrel dhe Lajçak”, tha Kurti.
Ndërkohë që gjatë ditës së sotme, Kurti pritet të takohet edhe me përfaqësuesin Special të Bashkimit Evropian për dialogun Kosovë-Serbi, Miroslav Lajçak