Në Javën Kundër Korrupsionit, kryeministri në detyrë, Albin Kurti ka riafirmuar angazhimin e tij dhe të qeverisë për një shtet të drejtë, transparent dhe të përgjegjshëm, duke theksuar se ligji duhet të jetë mbi interesat personale dhe e vërteta mbi privilegjet, përcjell KosovaPost.
Kryeministri në detyrë, Albin Kurti, ka theksuar se lufta kundër korrupsionit është një detyrë e përditshme dhe një betim ndaj shoqërisë dhe brezave që vijnë.
Ai bëri thirrje për një shtet të drejtë, transparent dhe të përgjegjshëm, ku ligji është mbi interesat personale dhe e vërteta mbi privilegjet.
“Le të vazhdojmë së bashku, me vendosmëri dhe integritet, rrugën e reformave që e bëjnë Kosovën më të drejtë, më të pastër dhe më të besueshme”, ka shkruar Kurti në Facebook, duke shpërndarë edhe një video ku flet më gjerësisht mbi këtë temë.
