Deputetja Mimoza Kusari- Lila ka thënë se kandidatura e Albulena Haxhiut si kryeparlamentare nuk mund të kontestohet.
“Lehtësia me të cilën po gjykohet dhe po vlerësohet mundësia e ndërrimit të kandidates nga Grupi parlamentar i VV-së është tërësisht i papranueshëm për ne”, tha ajo.
“Albulena Haxhiu është gruaja më e votuar në zgjedhjet parlamentare të 9 shkurtit, me 125 mijë vota, apo thënë ndryshe në numra tri herë më shumë vota se parafolësi Haradinaj, apo dy herë më shumë se i tërë GP i AAK-së… Haxhiu është 30 mijë vota para Memli Krasniqit”, tha ajo.
“Ju lutem të mos marrim aq lehtësisht mundësinë e ndryshimit të një propozimi, kategorizimit, kualifikimet mizogjene e gjithashtu edhe vlerësimin e punës dhe aktivitetit të saj politik në mënyra më brutale të mundshme”, shtoi ajo.
