Një i vrarë, katër të arrestuar e një polic i plagosur është bilanci i aksionit të Policisë për zbardhjen e grabitjes së argjendarisë.
Njëri nga të arrestuarit është Bujar Basha, i njohur si “Maestro i arratisjeve”.
Bujar Basha (1981) nga Prizreni ka qenë i burgosur në Dubravë për shkak të një vjedhjeje që e ka kryer menjëherë pas luftës në Kosovë.
Ai është konsideruar si i rrezikshëm e disa herë ka ikur nga burgjet e Kosovës e nuk është kthyer më.
Në arrati ai kishte kryer një rast tjetër grabitjeje në një argjendari në Drenas, me ç’rast kishin mbetur të plagosur dhe dy policë.
Pasi ishte kapur, në nëntor 2009, atij i është shqiptuar dënimi i unisuar me gjithsej 14 vjet e dhjetë muaj.
