Pauza e kampionatit dhe mosgrumbullimi i Lamine Yamal me Spanjën duhej të shërbente që të rikuperohej plotësisht nga dëmtimi i gradës së parë të kyçit të djathtë, të pësuar gjatë ndeshjes me Crvena Zvezdan në Champions dhe që e pengoi të luante disa ditë më vonë në Anoeta.
Ekipi i Hansi Flick u rikthye këtë të enjte në stërvitje pas një dite pushimi dhe mund të konsiderohet një seancë kyçe për të njohur ndjesitë e lojtarit të ri dhe nëse ka ndonjë mundësi që ai të mund të jetë gati për të udhëtuar për në Vigo.
Nuk është nevoja të theksohet rëndësia që ka ‘ylli’ i Barcelonës për trajnerin Flick që, sa herë ka mundur, e ka aktivizuar. Në fakt, mungesa e detyrueshme në San Sebastián ishte e vetmja herë këtë sezon që Lamine Yamal nuk ka luajtur.
Në pjesën tjetër të ndeshjeve, ai ka qenë titullar, përveçse në Pamplona. Stafi teknik vendosi t’i jepte pushim për shkak të minutave të akumuluara dhe ai hyri në gjysmën e dytë të lojës si zëvendësues i Pau Víctor.
Kthimi i lojtarëve nga kombëtaret
Barcelona ka vetëm dy seanca përgatitore para se të përballet me Celtan, të enjten dhe të premten. Dy ditë për të vlerësuar ndjesitë e Lamine dhe dhimbjen që ai ende ka.
Gjithashtu, do të jetë një stërvitje kyçe për të njohur zhvillimin e dëmtimit të shpinës të Robert Leëandoëski, i cili ka më shumë mundësi të kthehet, dhe për të kontrolluar që të gjithë lojtarët ndërkombëtarë kanë arritur në kushte të mira pas angazhimeve me kombëtaret e tyre.s.n.
