Nënkryetari i LDK-së, Lutfi Haziri ka shprehur ngushëllime për vdekjen e gjeneralit, Imri Ilazi, duke thënë se ka dhënë kontribut të pashoq gjatë tërë jetës së tij në shërbim të atdheut.
Haziri, vlerëson lartë figurën e gjeneralit , ndërsa është shprehur se Imri Ilazi nuk do të harrohet kurrë për guximin dhe veprën e tij kolosale,
“Paska ndërruar jetë luftëtari i lirisë, veprimtari i madh i çështjes kombëtare, familjari e miku i madh i Gjilanit, Gjeneral Imri Ilazi”.
“Dha kontribut të pashoq gjatë tërë jetës së tij në shërbim të atdheut dhe nuk do harrojmë kurrë për guximin dhe veprën e tij kolosale. Ngushëllimet më të sinqerta familjes, miqve, bashkëluftëtarëve e bashkëveprimtarëve. Lamtumirë, Gjeneral. Lamtumirë miku im”, ka shkruar ai.
Haziri ka publikuar edhe një fotografi me gjeneralin.
(Foto e vitit 2002, gjatë një prej shumë angazhimeve të përbashkëta për të përballuar pasojat e tërmetit).
