Lazio ka marrë një fitore të madhe në San Siro, duke mposhtur Milanin me rezultatin 2-1. Një gol i Zaccagni-t pas një topi të kthyer në pjesën e parë dhe një penallti e realizuar nga Pedro në minutën e 98-të, i dhanë tri pikë shumë të rëndësishme skuadrës bardhekaltër.
Ekipi i Baronit ngjitet përkohësisht në vendin e katërt, duke kaluar Juventusin, ndërsa pritet rezultati i ndeshjes së bardhezinjve ndaj Veronës të hënën mbrëma.
Nga ana tjetër, Milan po kalon një krizë të thellë, duke regjistruar humbjen e tretë radhazi në kampionat pas disfatave ndaj Torinos dhe Bolognës.
Goli i barazimit të përkohshëm i shënuar nga Chukweze pas kromimit të Leaos nuk mjaftoi për të shmangur humbjen. Tashmë, ekipi i Conceicao ndodhet 6 pikë larg zonës europiane, dhe situata po bëhet gjithnjë e më e vështirë. Ndërkohë, zemërimi i tifozëve është në rritje, duke e bërë presionin edhe më të madh mbi ekipin dhe trajnerin.
