Deputeti i Lidhjes Demokratike të Kosovë, Avdullah Hoti, bën të ditur se në emër të Grupit Parlamentar të LDK-së, është dorëzuar zyrtarisht kërkesa në Kryesinë e Kuvendit të Kosovës, për vendosjen e shtatores së Leotrim Ahmetit në oborrin e Kuvendit.
Hoti njofton se kërkesa është bërë pas marrjes së pëlqimit nga familja Ahmeti, ndërsa thekson se kanë kërkuar nga autorietet e Kuvendit të Kosovës që të ndërmarrin hapat e nevojshëm për të realizuar këtë kërkesë.
“Leotrim Ahmeti,fëmija 7-vjeçarë u vra me 11 shtator 1998, nga shpërthimi i granatave të forcave serbe në oborrin e shtëpisë së familjes Ahmeti në Rrezallë të Skenderajt, dhe copat e granatës ranë mbi fëmijët e nënës Shukrie Ahmeti, gruas së Malush Ahmetit, dëshmorit të Kosovës.Shtatorja e Leotrimit, e punuar me mjeshtëri nga skulptori Sabri Behramaj dhe e vendosur në qendër të Skënderajt, është bërë simbol i së vërtetës historike të popullit të Kosovës. Vendosja e shtatores së njejtë, në oborrin e Kuvendit të Kosovës do të shërbejë si një mënyrë e denjë për të memorializuar të kaluarën e rëndë të Kosovës dhe për të përkujtuar sakrificën e rreth 1.000 fëmijëve të vrarë gjatë luftës së fundit”, thekson Hoti, duke shtuar se angazhimi do të shkoj edhe përtej Kosovës, për vendosjen e shtatorers edhe në qendrat tjera perëndimore.
“Gjithashtu, dëshirojmë të informojmë publikun se do të angazhohemi që e njëjta shtatore të vendoset edhe në kryeqendrat e vendeve të rëndësishme perëndimore”, shprehet Hoti.
