Erling Haaland u largua nga fusha me një shprehje të pakënaqur në fytyrë gjatë çerekfinales së FA Cup mes Bournemouth-it dhe Manchester City-t. Sulmuesi norvegjez shfaqi dhimbje të mëdha dhe shqetësim pasi pësoi një dëmtim në kyçin e këmbës së majtë pas një përplasjeje me Lewis Cook. Lëndimi dukej si një dëmtim i rëndë në kyçin e këmbës, që mund ta mbajë jashtë fushave për disa javë.
Njoftimi zyrtar i Manchester City-t
Të hënën, Manchester City publikoi një deklaratë zyrtare, duke konfirmuar dëmtimin e Haaland, por pa specifikuar shkallën e tij:
“Erling iu nënshtrua ekzaminimeve fillestare në Manchester të hënën në mëngjes dhe tani do të konsultohet me një specialist për të përcaktuar shkallën e plotë të dëmtimit. Vlerësimi i tij po vazhdon për të përcaktuar një diagnozë të saktë. Pritet që Erling të rikuperohet në kohë për të luajtur në pjesën e mbetur të sezonit, duke përfshirë edhe Kupën e Botës për Klube të FIFA-s këtë verë.”
Lëndimi që e përndjek Haalandin
Dëmtimi erdhi pasi Haaland u përpoq të kalonte mbrojtësin e Bournemouth-it, por në momentin e rënies, kyçi i tij i majtë u bllokua nën trupin e Lewis Cook. Kyçet kanë qenë gjithmonë një pikë e dobët për sulmuesin norvegjez.
Megjithëse u përpoq të vazhdonte lojën pas ndihmës së mjekëve, ai u detyrua të largohej nga fusha, duke i lënë vendin Marmousch, i cili shënoi golin që i dha fitoren City-t në ‘Vitality Stadium’.
Para se të lëndohej, Haaland kishte shënuar golin e barazimit, pasi më herët në pjesën e parë Kepa i kishte pritur një penallti.s.n.
