Me ftesë të kryetarit të Bashkisë së Kavajës, z. Fisnik Qosja, ministri i Mbrojtjës, Ejup Maqedonci, ka marrë pjesë në inaugurimin e shtatores së dëshmorit të kombit, Indrit Cara – Ushtar Kavaja, përcjell KosovaPost.
Në një postim në profilin e tij në Facebook, ministri Maqedonci ka thënë se jeta dhe vepra e ushtar Kavajës është unike, ai u kthye nga mërgimi si një atdhetar i shquar dhe i etur për liri. Nga Londra në Shqipëri dhe nga Shqipëria në Kosovë, në zemër të betejës e luftës së drejtë çlirimtare për t’iu bashkuar radhëve të Ushtrisë Çlirimtare të Kosovës.
Ai ka thënë se edukimi dhe përgatitjet e tij ushtarake e bënin njërin nga luftëtarët më të zot që kishim, i vendosur dhe i pathyeshëm në rrugën e jetësimit të idealit kombëtar.
“Me ftesë të kryetarit të Bashkisë së Kavajës, z. Fisnik Qosja mora pjesë në inaugurimin e shtatores së dëshmorit të kombit, Indrit Cara – Ushtar Kavaja.
Jeta dhe vepra e ushtar Kavajës është unike, ai u kthye nga mërgimi si një atdhetar i shquar dhe i etur për liri. Nga Londra në Shqipëri dhe nga Shqipëria në Kosovë, në zemër të betejës e luftës së drejtë çlirimtare për t’iu bashkuar radhëve të Ushtrisë Çlirimtare të Kosovës”, ka thënë Maqedonci.
Sipas tij, edukimi dhe përgatitjet e tij ushtarake, e bënin njërin nga luftëtarët më të zot që kishim, i vendosur dhe i pathyeshëm në rrugën e jetësimit të idealit kombëtar. Ne që e kishim bashkëluftëtar e kemi obligim ta mbajmë gjallë kujtimin për të ndërsa gjeneratat e reja e kanë për obligim ta njohin e ta përcjellin përjetësisht nderimin për ushtar Kavajën.
“Në 26 vjetorin e rënies, përulemi para sakrificës së tij e cila ishte dëshmi e fuqishme që ne jemi një dhe të tillë do të mbetemi përgjithmonë, përfundon Maqedonci.
