Ministri i Mbrojtjes, Ejup Maqedonci, ka pritur në takim shefin e Departamentit për Marrëdhënie me Jashtë të ministrisë së Mbrojtjes së Turqisë, Omer Nazif Gulmezoglu.
Maqedonci e ka falënderuar Gulmezoglun për mbështetjen e pakursyer të Turqisë nëpër të gjitha fazat e shtetndërtimti të Kosovës, e në veçanti në fushën e mbrojtjes dhe sigurisë, teksa i shprehu vullnetin për vazhdimin e këtij bashkëpunimi mes të dy vendeve.
Nga ana e tij, gjenerali Gulmezoglu e falënderoi ministrin Maqedonci për pritjen miqësore dhe vuri në dukje se Turqia gjithmonë do ta mbështesë Kosovën në arritjen e qëllimeve të saj strategjike
Gulmezoglu tha se Turqia është e interesuar dhe e angazhuar në ruajtjen e paqes dhe stabilitetit në Kosovë e rajon, e sipas tij, kjo më së miri dëshmohet me prezencën e trupave turke në kuadër të KFOR-it.
