Presidenti partisë ‘Serbia e Bashkuar’, Dragan Markoviq Palma, tha se nuk e kupton pse ka kaq shumë sulme ndaj zëvendëskryeministrit Aleksandër Vulin, i cili dëshiron të përmirësojë bashkëpunimin e Serbisë me organizatën BRICS, transmeton Kosova Post.
“Ne duhet të bashkëpunojmë me të gjitha vendet që na shohin si një vend të njohur ndërkombëtarisht që ka një Kushtetutë dhe që na respektojnë ashtu siç respektojmë ne të tjerët”, tha Markoviq në një intervistë për Veçernje Novosti.
Siç tha ai, “ne duhet të bashkëpunojmë me të gjithë, por jo si në rastin e Gjykatës së Hagës, nën shantazh”.
“E shihni se çfarë po ndodh me Kosovën. Ndaluan hyrjen e mallrave serbe, ndaluan dinarin si mjet pagese dhe hoqën të gjitha të drejtat e serbëve në veri”, shtoi Markoviq.
Qeveria i ngarkoi Vulin-it të përmirësonte bashkëpunimin me vendet e BRICS: Brazilin, Rusinë, Indinë, Kinën, Afrikën e Jugut.
