Aston Villa ka arritur një marrëveshje me Al Nassr për transferimin e sulmuesit kolumbian, Jhon Durán. Klubi saudit po bën një goditje të madhe në këtë merkato dimërore dhe do të paguajë 77 milionë euro për të siguruar shërbimet e sulmuesit të ri ndërkombëtar, i cili sapo kishte rinovuar kontratën me klubin e Birminghamit deri në vitin 2030.
Kontaktet mes klubeve nisën disa ditë më parë dhe pas negociatave të para, oferta e ekipit ku luan Cristiano Ronaldo ka qenë e parefuzueshme. Ky është transferimi më i madh i kësaj merkatoje dhe i jep Aston Villës një fuqi të madhe ekonomike për t’u përforcuar.
Villa fillimisht nuk kishte në plan ta shiste Durán
Aston Villa nuk e kishte planifikuar ta shiste lojtarin kolumbian, por ishte e vetëdijshme se për shkak të nivelit të tij, mund të mbërrinin oferta të jashtëzakonshme. West Ham-i u përpoq ta afronte disa ditë më parë, duke ofruar rreth 60 milionë euro, por kjo ofertë u refuzua. Megjithatë, 77 milionët e ekipit të Cristiano Ronaldos ishte një shifër shumë e lartë për t’u refuzuar.
Durán largohet nga Villa pa qenë titullar fiks, por duke lënë pas një nga transferimet më të mëdha në historinë e klubit dhe të Premier League.
Aston Villa në kërkim të përforcimeve
Me këtë injektim të fuqishëm ekonomik, Villa do të hyjë në fundin e merkatos dimërore me shumë mundësi për të bërë blerje të rëndësishme. Një nga objektivat kryesorë është huazimi me opsion blerjeje i Joao Felix, i cili dëshiron të largohet nga Chelsea. Unai Emery ka kohë që e admiron sulmuesin portugez dhe e sheh si një përforcim të rëndësishëm.
Gjithashtu, Villa tashmë ka siguruar dy afrime: Donyell Malen nga Borussia Dortmund për 25 milionë euro dhe Andrés García nga Levante për 7 milionë euro plus bonuse.
Në anën tjetër, klubi ka shitur Philogene te Ipswich për 23 milionë euro, Diego Carlos te Fenerbahçe për 10 milionë euro dhe tani Jhon Durán te Al Nassr për 77 milionë euro.s.net.
