Në fushën sportive “Arbëri” në Reçak u zhvillua Turniri Memorial “Ditët e Reçakut”, i organizuar nga të rinjtë e fshatit. Aktiviteti bashkoi sportin, rininë dhe kujtesën kolektive, duke sjellë garë të ndershme dhe emocione sportive, përcjell KosovaPost.
Finalja u zhvillua mes ekipeve Bau Service dhe Mercedes Geti, ku fitues doli ekipi Mercedes Geti. Trofeun për ekipin fitues e ndanë kryetari i Komunës së Shtimes, dr. Qemajl Aliu, dhe kryetari i FFK-së, Agim Ademi.
Komuna e Shtimes vlerëson lart angazhimin e të rinjve të Reçakut për organizimin e aktiviteteve që promovojnë sportin dhe ruajnë kujtesën historike.
